Newzad Valêrî

Serra 1975î de qezaya Dara Hênî ya Çewlîgî de ame dinya. Edebîyat û ziwanê tirkî ser o perwerdeyê lîsansî temam kerd. Dima ra zî derheqê edebîyatê tirkan û ziwanê tirkî de master û doktora kerd. Edebîyat û folklorî ser o xebitîya, dorûverê Çewlîgî ra û sewbîna şaristananê Kurdîstanî ra zî tayê nimûneyê folklorî arê dayî. Semedê têvernayîşê edebîyatê kirmanckî, kurmanckî, tirkî û fariskî xebate kerd. Bi kirdkî zaf şîîre, nuşte û çarnayeyê ey kovaran û rojnameyan de weşanîyayî. Ey tirkî ra tayê şîîrî çarnayê kirmanckî. kovaranê sey Vate, Şewçila, Nûbihar, Ewro, Tîroj û rojnameyanê sey Newepel, Bas Nûçe de xeylê şîîre çarnaye û nuşteyê ey weşanîyayî.

Serra 2007î de yew şîîra ey Enstîtuyê Ziwan û Kulturê Kirmanckî (zazakî) yê Berlînî ra xelata yewine girewta. Çend şîîrê ey: ''Şaîrê Zîncîrîye Festîvala Yewine ya Şîîranê Mîyanneteweyî'' de çarnîyayî çend ziwanan.

''Dejê Nimiteyî'' kitabê ey o verên o, serra 2009î de Weşanxaneyê Vateyî de ame çap kerdene. kitabê şîîran yê Ahmed Arifî: ''Hasretinden Prangalar Eskittim''î bi nameyê ''Mi Hesreta To Ver qeydûbendî kerdî Kehan'' çarnayo kirmanckî û serra 2015î de Weşanxaneyê Vateyî ra sey kitab weşanîya.

şaîr û çarnayox Valêrî nika Anqara de ciwîyeno.