W. K. Merdimîn
 | Ev gotar bi zaravayê kurdiya zazakî (kirmanckî, dimilî) hatiye nivîsandin. Ji bo malpera zazakî, binêre: Wîkîpediya Kurdiyî zazakî (kirmanckî, dimilî). Ji bo lîsteya gotarên bi zazakî jî binêre gotara bi zazakî. |
W. K. Merdimîn Çewlîg ra yo. Bi kirmanckî (kurdiya Zazakî) şîîran nuseno. Yew kitabê ey ê şîîran bi nameyê Dîwan Weşanxaneyê Vateyî ra çap bîyo.
Nê kitabî ra teber zî şîîrî, meqale û roportajê ey zî kovara Vate û Nûbihar de weşanîyênê.
HÊVÎ
Xeyal' ma deşt û wareyande mendo
Çi heyf, gurey ma vateyande mendo
Her çiqas hêviyê ma nêbiryaya zî
La, aqîbet' nêweş nûşteyande mendo
W.K.MERDIMÎN
EZ KAM A?
Hewce çin o ke, sima ra vajî ez kam a
Ez nê begêko serewişk, ne zî ewam av
Çiyê ke mi dejnênê, şarî bêqiymet ê,
Ez nêzana şar bêhiş o, yan ez korfam a?
Hendo ke wa gûreyi ma heta sere şêro
Miyan namedaran de, ez xo rê bênam a
Gama ke heqê bêkesan binê lingan de di şi
Ez zaliman rê, nê goşdar a, nê zî ram a
Di hebî siyayan ra yew sipî vejiyen o?
Şar têde mendo, kam helal a, kam heram a?
Tikeyî, werd û dawetan ra mest û tewş ê
Tayen rê, nê arayî, nê zî taşt û şam a
Homa mela çirey firset bêbextan nêdo
Kar û gûreyi yin, fesadî û dek û dam a
Eki bêkesî xelasê xo zaliman divînî
Qalêkê ma çin e, hin axirê qiyam a
Awê nêzanan wa tim û tim qeyme şêro
Dinyayê zanayan bi sikûn û aram a
Nazdariyê waştî ra ma gelek bêzar bî
Gelo aqilê xo de nêmcet a, yan tam a?
Werreyê ê merdimî ke tim xo bizano
Çûnkê, mabên îman û kufrî yek gam a
Merdimîn, vera qîyl û qalan ma ko vaje:
“We îza merrû bil-lexwî merrû kîramen” (*)
W.K.MERDIMÎN
(*) (وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَاماً)
Quran; 25:72