Zimanê bernamekirinê

Ji Wîkîpediya, ensîklopediya azad.
(Ji Zimanê Bernamekirinê hate beralîkirin)
Jump to navigation Jump to search

Zimanekî bernamekirinê an zimanekî programkirinê zimanekî ku bi destê mirovan hatiye çêkirin e, daku fermanên bikaranînê yên sîstemên jimartinê pê werin amadekirin. Ev ziman hem ji bo meriv, ê ku bernamê dinivîse, û hem jî ji bo kompûter, a ku wê ev bername li ser bixebite, divê bikaribe were xwendin. Zimanên bernamekirinê pêwîst in, ji ber ku zimanên xwezayî ji bo jimartinên kompûter, ên ku ji wan re fermanên zelal divê, pirrmenayî ne.

Ji gotinên zimanê bernamekirinê, yên ku meriv dikare bixwîne, re nivîsa kanî tê gotin. Karê ji bo çêkirina van bernamekirin e. Ev kar ji aliyê bernamekarekî tê kirin. Nivîsa kanî ji bo ku ji kompûterê were têgihîştin, divê were wergerandin. Ev wek wergeandina gotinên zimanekî li zimanekî din e; em bibêjin ji Kurdî li Almanî. Lê ev bi bikaranîna bernameka wergerandinê dikare were xwemeşwariyê. Di dawiyê de bernama xwejimêrê di destê me de ye.

Di destpêka Computeran de Zimanên bernmakirinê tune bûn. Bername bi zimanê makînê dihatin nivîsandin. Paşê assembler hat damezirandin. Mirov bi peyvên inglîzî wek MOVE, ADD wek cîgirên fermanên zimanê makînî bikaranî û bernama assembler ev dizivirrand zimanê makînî (assembling). Ji bo tegihîştina mirovan û bernamekirina hêsanî ev gavek mezin bû, lê têr ne bû. Mirov zimanek baştir pê bigihîje divê. Lewma gava piştre damezrandina zimanên bilind wek C hatibû. Daxaz ew bû, ku nivîsên bernaman hem baş werin têgihîştin û hem jî li zimanê makînî bi hêsanî werin wergerandin.

Mînak: C, Ada, Erlang, C++, Java