Kubêba

Ji Wîkîpediya, ensîklopediya azad.
Îsota Seylanê, kubêba

Kubêba, îsota Seylanê, çaya Çînê ya bîberî (piper cubeba), riwekek ji famîleya îsota reş (piperaceae) ye. Welatê wê Îndonêzya û Çîn e.

Li Kurdistanê demekê di bijîşkiya gelêrî de gelek dihatibûye bikaranîn, bi taybetî wekî çayê. Biharbêhna (biharat) wê ji dendikên wê tê çêkirin. Riwekeke pirrsalane ye. Qaçaxçî û etaran, ji Îranê dianîn, difirotin. Xelkê pirr kêm bikardianî, wekî çayeke dermanî dihate dîtin. Jê re pirranî îsota/çaya Seylanê gotinê.

Bijîşkiya gelêrî ya kurd de[biguhêre | çavkaniyê biguhêre]

Belxamê pakij dike, êşa serî derdibe. Mîkroban dikuje, bo ragirtinên bronşan (bronşît) baş e. Li dijî ragirtinên riya mîzê û vagînayê, dijî prostatê bikêr e. Bêhna devê derdibe. Bizirên wê di nava avê de tên kelandin, tehma xwe didin avê. Ev av rojê 2-4 caran tê vexwarin. Êşa qirikê kêm dike, bo ketina dengê kêrbar e.