Riwekên holê

Ji Wîkîpediya, ensîklopediya azad.
Here cem: navîgasyon, lêgerîn

Riwekên holê, riwekên malê şaxeke ji riwekên xemlê ye. Riwekên di atmosfera cihên girtî de diçên, cihê sereke digire. Riwekên ji avhewayên agzotîk an tropîk hez dikin jî mal û holan dixemilînin. Bo wan mercên taybet tên amadekirin.

Mercên awarte yên sedsala dawîn, li Kurdistanê ev hobiya han berî bi tunebunê biribe jî, heger derfetê bibînin, kurd mal, şaneşîn, kargeh û xozanên xwe bi cure cure kulîlkan kok dikin, dixemilînin.

Xalên girîng ên hobiya riwekên holê[biguherîne]

  • Tav an tîrêja rojê. Riwek bi riya fotosentezê glîkozê diafirînin û jiyana xwe pê berdewam dikin. Divê rasterast an nerasterast riwek tîrêjê bigirin. Heger tav kêm e, divê teknîkên tavê zêde dikin bên bikaranîn.
  • Germî. Pirraniya riwekên malê bi rojê 15 °C-20 °C, şevê jî 3 °C-6 °C divên. Malên ku germîkeran (kalorîfer) bikartînin divê bizanibin, hewayê ziwa dike, rewayê (hêwi, nem) kêm dike û ev jî bo gelek riwekan ne baş e.
  • Rewa, hêwi, nem. Mal û kargehên bi germîkeran tên germkirin, dikarin tasekê avê daynin ser germîkerê û bi hilma wê rewayê zêde bikin. Gelek rêbazên din jî hene.
  • Ax. Her riwek konsantrasyoneke cuda ya ax, tav, rewa, germî û avê divê. Her riwekek di merceke taybet a xwezayê de diçê. Hobîvan an bexçevan divê heya jê hatiye, mercê xwezayî yê pêwîst e, ava bikin. Heger pêwîst e divê axê bi zibil, gubre, qûm, xîz, têkelên cuda yên gubreyan ûêd bên bikaranîn.
  • Av. Her riwek ne wekî hev avê divê. Ava zêde jî kêm jî ziyanê dide. Divê bo avê jî mercê xwezayî bê avakirin. Hesaba ahenga av, ax, tav, germî û rewayê divê beyê jibîrkirin.
  • Gubre, zibil û betînên (xurtandin) din. Hostatiya hobîvan an baxçevan, di vir de herwiha girîng e. Riweknas, ji dêl têkelên nûjen ên gubreyan, zibilê pêşniyar dikin. Lewra di xwezayê de zibil û gubreyên xwezayî hene yên nûjen ne. Dibe ku riwekê dipûncînin, gurrbaz dikin, lê xwezaya riwekê jî dikujin. Bo mînak bêhna wê kêm dikin.
  • Nexweşî. Riwek jî jîndar in, ew jî wekî mirov an ajalan, nexweş dikevin, bakteriyan re têdikoşin. Divê hobîvan taybetiyên riwekê baş binasin, buxik, hûrmêş û mêşûmurên din jibîr nekin.

Mînakên riwekên malê[biguherîne]

Hin ji riwekên kulîlkdar ên guldankê[biguherîne]

Saintpaulia ionantha

Kesk an peldar[biguherîne]

Ficus benjamina

Riwekên kulîlkdar ên holê yên dekoratîv[biguherîne]

Riwekên malê yên din (bijarte)[biguherîne]

Dracaena reflexa "Song of India"

Wêje[biguherîne]

  • Fritz Encke: Kalt- und Warmhauspflanzen. 2. Auflage. Verlag Eugen Ulmer, Stuttgart 1987, ISBN 3-8001-6191-5 (almanî)
  • Moritz Bürki und Marianne Fuchs: Bildatlas Topfpflanzen für Zimmer und Balkon - Steckbriefe und Tabellen von A - Z, Verlag Eugen Ullmer, Stuttgart 2004, ISBN 3-8001-4654-1 (almanî
  • Alfred Byrd Graf: Tropica - Color Cyclopedia of Exotic Plants and Trees. Roehrs Company, New Jersey 1981 (second edition), ISBN 0-911266-16-X (îngilîzî)
  • Bernhard Rosenkranz: Gärtnern ohne Garten. Freude an Balkon- und Zimmerpflanzen. Rowohlt, Reinbek bei Hamburg 1987, ISBN 3-499-18347-1 (almanî)

Girêdan[biguherîne]