Îbrahîm Rojhilat

Ji Wîkîpediya, ensîklopediya azad.
Jump to navigation Jump to search

Îbrahim Rojhilat Di sala 1969 an de, li dilê Serhed ê navçeya Bazîda Agiriyê ya ku li gûntara çiyayê Agirî ye ji dayîk xwe dibe.

Dibistana seretayî, ya navîn û dibistana amadehiye li Bazîdê kuta dike. Di sala 1991 an de bi damezrîna N.Ç.M.'ê rê di warê muzîkê de dest bi xebatên xwe yî profesyonel dike. Di wan salan de Koma Rojhilat ava dike. Tevî komê di sala 1997 an de albuma Mezrabotan im ez derdixe. Hunermend ji welatê dengbêjiyê tê ku ev ax warê Ehmedê Xanî ye. Li aliyê din Radyoya Êrîvanê ji bandoreke mezin li serê kirî bû. Ev hest bi xebatên li ser huner û muzîkê ya li nav NÇM'ê gihaşt û bi pêş ket. Di vê demê de tevî koma xwe li welat, li Ewropa, li Qafgasya û li deverên din ên dinyayê konsertan pêk tîne. Piştî demeka di kargêriya beşa muzîkê ya NÇM’ê de di sala 2001’an de ji bo bernameke Newrozê diçe Awistralya û li wê derê dimîne. Bi taybeti lêkolînên xwe yên li ser kelepora dengbejiyê û muzîka otantik li Awistralya didomîne. Hunermend xebatên di vê albumê de wek dilopek di derya ked û bî reweriya welatê xwe de dibîne. Ew album bi repertuar û şîroveya hunermend hêza wî ya radebilind û nasnameya wi ya hunerî derdixe holê.