Ümit Yazıcıoğlu

Ji Wîkîpediya, ensîklopediya azad.
Jump to navigation Jump to search

Umîd Yazicioglu (bi tirkî: Ümit Yazıcıoğlu) (*19'ê gelawêjê 1958 Erzirom) mamosteyekî zanîngehê ye.

Jînenîgarî[biguherîne | çavkaniyê biguherîne]

Prof. Dr. Dr. Ûmît Yazıcıoğlu di sala 19 Tebax 1958 de li Erziromê hate dinyayê. Dibistana seretayî, navîn û amadehî li Tekmanê qedand. Zanîngeha Hiquqê li Unîversîteya Berlîn Freî û Humbold qedand. Piştî staja huquqê li bajarê Speyer Zanîngeha Zanyariya Rêveberiyê (Deutsche Hochschule fûr Verwaltungswîssenschaften Speyer ) beşdarî bernameya Master bû. Teza mastirê bi navê “li gorî qanuna bingehîn, zagonên hilbijartinê û rêznameyan, nirxandina rêbaza avakarî û xebatkariya Fraksîyonan di parlamentoyê de” (Dîe Bîldung von Fraktîonen îm Parlament- Verfassungs-, Wahl und geschaeftsordnunsrechtlîce Vorgaben) nivîsand û pêşkêş kir.

Umît Yazicioglu, sala 1996 Zanîngeha Zanyariya Rêveberiyê li Speyerê (Deutsche Hochschule fûr Verwaltungswîssenschaften Speyer) di beşa Zagona Bingehîn de wek lêkolîner dest kar kir. Di Sala 1997an de li eynî Zanîngehê ji bo senatoyê hate hilbijartin û 1999an de li ser “hiquqa pênaberiyê u hinceta koçberiya Kurdên Tirkîyeyê” (Asylgrundrecht und dî Tûrkîsch-Kurdîsch Zuwanderung) teza doktorayê ya yekemîn amade kir û bi navunîşana doktoryê (Dr. rer. pupl.) hilda.

Dr. Mag. Umît Yazicioglu, di sala 2003an de jî li ser mijara “Dînamîkên Yekîtiya Ewropayê û bandora wê ye sîyasetmedarî, mafdarî û çarçoveya mercên wê” li Zanîngeha Freî di beşa zanîstiya sîyasetmedarî de wek teza doktorayê pêşkêş kir û navunîşana doktoraya (Dr.rer.pol) duyemîn wergirt.

Umît Yazicioglu dîsa sala 24.11.2004an de li ser mijara “Hêvîdarî u armancên tengasiyên întegrasyona Tûrkîyeyê ji bo Yekîtiya Ewropayê” (Erwartungen und Probleme hînsîchtlîch der Întegratîonsfrage der Tûrkeî în dîe Europäîsche Unîon) teza xwe amade kir û bi navunîşana doçentiyê girt. Di heman katê de li beşa sîyasî û rêveberiyê wek mamosteyê zanîngeha Freî dest kar kir u piştre bi navunîşana profesorî ders da.


Xebatên lêkolînerî û polîtîk[biguherîne | çavkaniyê biguherîne]

Umît Yazicioglu li sala 2002an li bi navê “Lêkolînên Ewropayê li ser întegrasîyona Tirkîyeyê” (Europîsche Studîen zur Întegratîon der Tûrkeî) kovareke 6 mehane ku “têkiliyên navneteweyî û lêkolînên stratejîk” derxistîye û edîtoriya wê kiriye. Ji sala 2004an vir ve bi navê “Li Ewropayê Demokrasî û Hiquq” kovareke 6 mehane u têkiliyên navneteweyî u lêkolînên hiquqî ji xwe re kiriye mijar derxîstîye û edîtoriya wê jî kiriye. Niha jî endamê lijneya kovara ku bi navê “Rojnivîsa Ewropa” derdikeve ye.

Her çiqasî xwe li Ewropayê dijî jî li pirsgirekên welêt re eleqedar bû ye, pêşveçuyîn û bûyer şopandine û wek helwesteke bi sinc û ehlaqî ji bo rojname û malpera Yuksovayê ku herêma ku navenda pirsgirekan de cîh digre re, bi pêşkêşiya nivîsan destekariyên xwe nîşan dide.

Umît Yazîcîoglu Sala 1997’an vir ve li ser mijarên terorîzm û arîşeyên etnîkî lêkolînan pêktîne û sala 1990î vir ve jî li ser realîteya Kurdan lêkolînen huquqî u sosyo-polîtîk meşandine û hê jî van xebatan berdewam dike.

Umît Yazîcîoglu di navbera salên 2000-2006an de li Zanîngeha Freî Berlînê li ser mijarên têkiliyên navneteweyî, li Tirkîyeyê pirsgirekên etnîkî û realîteya Kurdan, Têkiliyên Tirkîye û Yekîtiya Ewropayê, İslama Sîyasî û terorîzm lêkolîn kiriye, ders daye û şêwirmendî kiriye. Di encama xebatên terorîzm, pirsgirekên etnîkî, Yekîtiya Ewropayê, Avrasya û Rojhilata Navîn de Prîv.-Doz.Dr. Dr. Mag. Ûmît Yazîcîoglu bi zimanê Almanî 11 pirtuk û di rojname û kovarên cuda de jî zêdetirîn 200 makale pêşkêş kirine.

Ûmît Yazîcîoglu, bi armanca lêkolîn û zanînên xwe berfireh bike, tevî pispor û akademîsyenên di hêla xwe de pêşketî re Enstîtuyeke lêkolînên stratejîk bi navê DÎBARF (Deutsches Înstîtut zur Beobachtung von Antîsemîtîsmus – Rasîsmus – Fremdfeîndlîchkeît) ava kiriye û serokatiya wê dimeşîne.

Prof. Dr. Dr. Mag. Ûmît Yazîcîoglu bi almanî, fransî, kurdî, înglîzî û tirkî dizane. Hemwelatiyê Tirkiyeyê ye û bavê sê zaroya ye.

Girêdanên derve[biguherîne | çavkaniyê biguherîne]