Şorbeya fringiyê ya Botanê

Ji Wîkîpediya, ensîklopediya azad.
Jump to navigation Jump to search

Şorbeya fringiyê ya Botanê ji şorbeyên pêjgeha kurd ên herêma Botanê ye.

Standardeke wê nîne, mirov dikare lê kêm-zêde bike. Taybetiya şorbeyên Botanê ew e ku, botanî pirr qîmetê didin şorbeyan, ne tenê wekî xwarineke sivik an bo taştêyê dibînin, gelek zad û zebzeyan bikartînin.

Berkeliya (melzemeyê) şorbeyê[biguherîne]

  • 1 serî pîvaz
  • 2 dd (dendik) sîr
  • 5-6 heb fringî (bacanê sor, pamîdor, tomatos, şamik)
  • 4-5 pelên merzekewê (firincemişk, rihan)
  • 2 KX (kevçiyê xwarinê) ard (arvan)
  • 5 SA (stekana-qedeha avê) ava goşt
  • Têra xwe xwê
  • Hinekê îsota reş (filfil)
  • Li ser daxwazê hinekê îsota sor (îsota tûj, îsota pûlpelî)

Çêkirin[biguherîne]

Qalikên firingiyan bigirin, dendikên wan derînin, kûbîkê (wekî zarê) hûr bikin. Pîvaz û sîran bikin 4 parçe berdin quşxaneyê. Ava goşt berdin nava quşxaneyê bidin ser agir. Baldar bin bila ardê we girikî nebe, bihele.

Xwê, îsota sor, rihan û ardê tevlîhev bikin hinekê avê berdin ser, tevdin. Berdin nava quşxaneya bi ava goşt dikele. Firingî nermîjî bûn, bi kefgîrê derînin, bipelçiqînin yan li makîneyê bidin, dîsa berdin quşxaneyê kelekî din jî pê bînin.

Dema we servîs kir, hûn dikarin nanê hatiye biraştin an penîrê qaşar jî bipişirînîn navê. Êdî amade ye ku were ser destexaneyê (sifre).