Ji Wîkîpediya, ensîklopediya azad.
Esmanger an jî stêreger beşdarê sefereke mirovî ya li valahiyê ye. Yekemîn esmanger Yurî Gagarîn bû ku di 12ê nîsana 1961ê de, carekê li dora erdê geriya. Li gorî rêxistina valahiyê, esmanger wekî kozmonot (Yekîtiya Sovyetê, Komara Demokratîk a Almanyayê, Roskosmos/Rûsya) an astronot (mînak NASA, Ajansa Valahiyê ya Ewropayê, CSA, Ajansa Lêkolînên Valahiyê ya Japonê) têne binavkirin. Welatên din jî têgehên din bi kar tînin (mînak Taikonaut li Komara Gel a Çînistanê, Spationaute li Fransa, Angkasawan li Malezya û Wiomanaut li Hindistanê).
