Çerxa felekê

Çerxa Felekê an Çembera Bircan ango Nîşanstêrk çembereka bi parvekirina eklîptîka(rêgeha rojê ya di ezmên de ya saleke gerra xwe temam dike ye) 12 parên wekhev re dertê holê ye. Mîna rojê, rêgeha gerrstêrkên din û ya hîvê jî li nêzî rêgeha rojê, eklîptîk, li ser çerxa felekê dikeve. Dema dinê dor rojê re viz dibe, gorî nihêrîna merîv, roj di rêgeha xwe, eklîptîk, de hereket dike. Lê birastî ya hereket dike dinê ye. Gorî nihêrîna merîv, roj di çerxa felekê de her roj dereceyeke hereket dike û bi temamkirina di saleke de ye 360 dereceyan re, li dehûdu Nîşanstêrkên çerxa feleke digere.

Di Astrolojiyê de

Di astrolojîyê de çerxa felekê cîhê ku eklîptîk, rêgeha rojê, tê re derbas dibe ye. Gorî vê rêgehê Nîşanstêrk astrolojîyê derketine holê. Lê îroj Nîşanstêrk û komstêrên ku bircan navên xwe jê helgirtinî hev nagirin. Ew jî ji ber liva tewereya dinê ye. Nêzî 2500 salî berî îroj, wexta Çerxa Felekê ji hêla Babîliyan hatibû kifş kirin, cîhê komstêrên roj lê û mihleta Nîşanstêrkê wê di eynî wextê de bûn. Wê çaxê rojvegera biharî(Îng. Vernal equinox) de roj dikete Nîşanstêrkê Berên. Îroj wexta roj dikeve Nîşanstêrka Beranê, birastî rêgeha xwe di komstêra Masî re derbas dibe. Yanê rojvegera havînî, wexta roj di komstêra Masî pêk tê.

Nîşanstêrk			Komstêr
Nav	Nîşan	Mihleta bircê ya Astrolojîk	Nav	Mihleta ku roj lê dimîne (2011)	Hejmerên rojan ya roj têde dimîne	Stêra geştirîn
Beran		21 adar– 19 nîsan	Beran	19 nîsan – 14 gulan	25.5 rojan	Hemal
Ga		20 nîsan – 20 gulan	Ga	21 hezîran- 21 tîrmeh	38.2 rojan	Deberan
Cêwî		21 gulan – 20 hezîran	Cêwî	21 hezîran- 21 tîrmeh	29.3 rojan	Pollux
Kêvjal		21 hezîran –21 tîrmeh	Kêvjal	21 tîrmeh – 11 tebax	21.1 rojan	El Terf
Şêr		22 tîrmeh – 22 tebax	Şêr	11 tebax – 17 îlon	36.9 rojan	Qelb el Esed
Şehrîwar		23 tebax – 22 îlon	Şehrîwar	17 îlon – 31 çiriya pêşîn	44.5 rojan	Spica
Mêzîn		23 îlon – 22 çiriya pêşîn	Mêzîn	31 çiriya pêşîn – 21 çiriya paşîn	21.1 rojan	Zûbana Şîmalî
Dûvpişk		23 çiriya pêşîn–21 çiriya paşîn	Dûvpişk	21 çiriya paşîn–30 çiriya paşîn	8.4 rojan	Qelb el Aqreb
Marvan		n/a	Marvan	21 çiriya paşîn–30 çiriya paşîn	18.4 rojan	Ras el Haya/ Alfa Marvan
Kevan		22 çiriya paşîn – 21 kanûna pêşîn	Kevan	18 kanûna pêşîn – 21 kanûna paşîn	33.6 rojan	Qews el Cenûbî
Karik		22 kanûna pêşîn – 20 kanûna paşîn	Capricornus	21 kanûna paşîn – 17 sibat	27.4 rojan	Zeneb el Cedî
Dewlik		21 kanûna paşîn – 19 sibat	Dewlik	21 kanûna paşîn – 17 sibat	23.9 rojan	Sead el Siûd
Masî		20 sibat – 20 adar	Masî	12 adar – 19 nîsan	37.7 rojan	Eta Masî