Kela Bêrecûkê

Kela Bêrecûkê
Fortress
37°01′54″Bk 37°58′46″Rh
Dewlet	Tirkiye
biguhêre - Wîkîdaneyê biguhêre

Kela Bêrecûkê keleheke dîrokî ye ku di nav sînorên navçeya Bêrecûka navçeya parêzgeha Rihayê de ye. Ji ber kevirê spî yê ku jê hatiye avakirin, wekî "Kela Spî" (Qeletulbeyda, Kaletü'l-Beyda) jî tê naskirin.

Keleh li ser girseyeke zinarekî bilind hatiye avakirin. Li binê wê dîmena Çemê Firatê û Deşta Bîrecîkê heye. Der barê dîroka avakirina kelehê de agahiyeke teqez nîne.

Dîrok

Her çiqas di derbarê avakirina keleha dîrokî de nêrînên cuda hebin jî, tê texmînkirin ku di dema asûriyan de hatiye avakirin. Kela Bêrecûkê li gorî çavkaniyên nivîskî di sedsala 13an de hatiye çêkirin û di demên cuda de hatiye tamîrkirin. Kel sê caran hatiye tamîrkirin: di dema romayan (30 b.z. - 395 p.z.), frankan (1098 - 1150 p.z.) û dema memlûkan de (1277-1484 p.z.). Bingehên wê bi kevirên mezin ên jêkirî hatine avakirin. Bilindahiya dîwarên wê digihîje 30-40 metreyan. Li ser dîwaran bi 12 bask hatine lêkirin. Sûrên kelê, derdora navenda bajêr dorpêç dikin. Kela Bêrecûkê ji ber bandora xwezayê zirareke mezin dîtiye û îro tenê hin xirbeyên bask û du deriyan li ber xwe dane. Ew derî wek Deriyê Rihayê û Deriyê Meçanê tên zanîn.