Mihanî Licokic

Ji Wîkîpediya, ensîklopediya azad.
Jump to navigation Jump to search

Mihanî Licokic dewa Licoke ya Licê de ameyo dinya. Badê cûntaya leşkerî ya êlula 1980 zilmê tirkan ver şîyo welatanê Ewropa. Nika Swêd de maneno.

Mihanî Licokic zafane bi arêdayîşê folklorî û şaîriya xo yeno şinasnayîş. Şîîranê xo bi kirdkî nuseno. Ey Mewlûdê Kirdkî yê Seydayî Xasî alfabeya erebkî ra transkirîbeyê alfabeya latînkî kerdo. Qapaxa peyêne ya çapa latînkiyê Mewlûdê Kirdkî de yew şîîra ke ey Seydayê Xasî ser o nuşta weşanîyaya.

Eserê ey ke weşanîyayê nê yê:

Seydayê Xasî, Mewlûdê Kirdkî, Transkrîbekerdiş: Mihanî Licokic, Weşanxaneyê Firatî, Îstanbul, 1994

Sanikan û Deyîranê Licê ra, Weşanxaneyê Vateyî, Îstanbul, 2007



Se selam û hem sipas to Xasî rê

To miletperwer û kurdê nasî rê


Pênusa to hindî xizmet qey milet

Pê aye bê kirdî zî bibê dewlet


Xêrnexwazan nay ro sênc û kelemî

Sebê neftî, sebê don û mehdenî


No dîno pak kewto destê nepakan

Kewto destê sexte û ummethelakan


Dîno nazik şanayo verê lingan

Mishef wedarto bi zorê tifingan


Ti qelay edlî yê, ez zana ey Rebî

Ez di bextê to û Îbrahîm nebî


Serpêhatem nêamey serey arminî

Nê cihûd, nê çermesûran, ez benî


Nê yê samê mîyanê vewra zey pemî

Nê keşikê Afrîka de zey tenî


Cûn bibo bêedlî ra dinya genî

Kes bi halê ma çinîk o, ma tenî


Nê camî, nê dêrey ma kerdî sitar

Şerq û xerb, dinya bêveng bî hey hewar


Pîl û qic pêru kenê gulebaran

Birnenê kurdan fenê berx û beran


Bi hezaran dewî sotî cêr û cor

Ge arminî ge zî kurdî dor bi dor


La û çemî sûr kerdê rengê hennî

No kar Hîtlerî zî nêkerdo ez benî


Nêkena xo vîrî ra sêpêkê Amedî

Nê Qasimlo nê Qadî Muhemedî


Nê Dêrsim û nê Helebçe nê Pîran

Nê mehabad nê Geliyê Zîlan


Nê Elîşêr û nê zî Rizayo Seyîd

Nê serok Barzanî nê zî Şêx Seîd


Nê serdarê min Elçîyo namedar

Şemsedîn û Extî zî şîy hey hawar


Nê Eşê Xincis ra Şêro porxelek

Çep gêrena tim mi rê çerxê felek


Ehlê însanî çiqa estê temam

Ka bivînê ro kurdan yewmil qîyam (*)


_____________

(*) Na şîîre qapaxa peyêne yê Mewludê Kirdkî de ca gêna.