Weşanxaneyê Vate
 | Ev gotar bi zaravayê kurdiya zazakî (kirmanckî, dimilî) hatiye nivîsandin. Ji bo malpera zazakî, binêre: Wîkîpediya Kurdiyî zazakî (kirmanckî, dimilî). Ji bo lîsteya gotarên bi zazakî jî binêre gotara bi zazakî. |
Serra 1996 de çend kirmancê ke bi kirmanckî nusenê û mintiqayanê cîya-cîyayan ra yê, peytextê Swedî Stockholm de bi nameyê Grûba Xebate ya Vateyî yew grûbe naye ro.
Amancê na grûbe standardîzekerdişê kirmanckî bî. Na grûbe 1996 ra heta 2008 pancês kombîyayîşî viraştî. Nê kombîyayîşan de seba rastnuştişê kirmanckî û standardîzekerdişê nuştişê kirmanckî qerarî amey girewtene. Çekuyê kirmanckî yê ke ziwano rojane de zaf yenê gurenayene amey weçînitene û nê çekuyî goreyê çend xusûsîyetan seba nuştişê kirmanckî amey standardîzekerdene. Qerarê ke nê kombîyayîşan de bi no qayde amey girewtene Kovara Vateyî ya ke hûmara xo ya verêne hamnanê 1997 de vejiya de amey neşirkerdene. Weşanxaneyê Vateyî serra 2003 de Îstanbul de seba ke qeraranê na grûbe xo rê sey polîtakaya weşanî bigêro û bi no qayde kitabanê kirmanckî çap bikero, bi nameyê na grûbe û Kovara Vateyî ame sazkerdene.
Serra 2003 ra pey zî Kovara Vateyî bi dewreyêke newe Îstanbul de ameye çapkerdene. Hetanî ewro Weşanxaneyê Vateyî 31 kitabî û 11 hûmarê Kovara Vateyî çap kerdê. Nê kitaban ra 2 bi tirki, 1 bi tirki û kurmanckî, 1 bi tirkî û kirmanckî, 4 teneyî bi kurmanckî û 23 teneyî zî bi kirmanckî çap bîy.