Roja navneteweyî ya li dijî zordariya li ser jinan

Roja navneteweyî ya li dijî zordariya li ser jinan
Roja cîhanî
Dema avabûnê	17 kanûna pêşîn 1999
Dema destpêkirinê	1981
Damezrîner	Neteweyên Yekbûyî
Malper	www.un.org/en/observances/ending-violence-against-women-day
biguhêre - Wîkîdaneyê biguhêre

Civata Giştî ya Neteweyên Yekbûyî (NY) roja 25ê mijdarê wek roja navneteweyî ya li dijî zordariya li ser jinan destnîşan kir (Biryara 54/134). Armanca rojê ew e ku li çaraliyê cîhanê hişyarî bê dayîn ku jin rastî destdirêjî, şîdeta nav malê û şîdetên din (wek kuştina namûsê) tên; Her wiha yek ji mebestên rojê ew e ku pîvan û cewhera rastîn a pirsgirêkê pir caran veşartî ye û divê bê ronî kirin.

Dîroka rojê

Di 25'ê sermawezê 1960‘an de xûşkên Minerva, Maria Teresa û Patria Mirabel ku wekî perperok jî tên bîr anîn, hatin qetilkirin. Her sê di Komara Domînîk de li dijî dîktatoriya Trujillo berxwe dabûn. Roja 25'ê sermawez Ev roj ji ber vê wekî roja li dijî şîdeta li dijî jinan hat îlan kirin.

25’ê mijdara 1960’î li Komara Domînîk sê jinên xuşkên hev Patria, Minerva û Maria Teresa ku li dijî dîktatoriya Trujîllo têdikoşiyan hatin tecawizkirin û qetilkirin. Patria Teresa di hezîrana sala 1960’î de li dijî dîktatoriya Trujîllo tevgera mezintirîn Clandestîna ava kir. Her du xûşkên wê jî beşdarî nav vê tevgerê bûn. Bandora vê tevgerê ew qasî mezin bû ku di heman salê de dîktatorî mecbûr ma ku bêje ev xûşkên Mîrabel ji bo wan talûkeya herî mezin pêk tînin. Piştî vê daxuyaniyê bi demeke kurt roja 25’ê mijdara 1960’î her sê xuşk hatin tecawizkirin û qetilkirin. Lê têkoşîna ku wan da destpêkirin, piştî mirina wan jî berdewam kir. Û ev tevger bû wekî serhildanekê û li her derê belav bû û dawiya dîktatoriyê anî.

Di komcivîna jinan a Amerîkaya Latîn de ku di sala 1981’ê de li Kolombiyayê kom bû, ji bo bîranîna hersê xûşkan ku têkoşîna azadiyê dane, 25’ê mijdarê ‘Li Cîhanê Roja Têkoşîna li Dijî Şideta li Hemberî Jinê’ hate îlankirin. Têkoşîna Mirabelan îro ji aliyê jinên berxwedêr ve tê piştgirîkirin û meşandin. Neteweyên Yekbûyî (NY) jî di sala 1999’an de biryar girt ku ev bibe, ‘Ji bo Rakirina Şideta li Hemberî Jinê Roja Têkoşîna Navneteweyî’.