Zengilok

Zengilok, çûka mastî, silivî, şivanok
Dabeşandina zanistî
Cîhan:	Animalia
Filûm:	Chordata
Bir:	Aves
Kom:	Passeriformes
Famîle:	Fringillidae; Famîleya serstrîkan
Cins:	Carduelis
Cure:	C. carduelis
Navê zanistî yê latînî
	Carduelis carduelis; (Linnaeus, 1758)
	Carduelis carduelis carduelis; 1 havînan; 2 tevahiya salê; Carduelis carduelis caniceps; 3 havînan; 4 tevahiya salê

Zengilok^[1], serxwînk^[1], zengulîtik^[1], kilîl milîl^[1], çûka mastî,^{[çavkanî hewce ye]} silivî^{[çavkanî hewce ye]} yan jî şivanok^{[çavkanî hewce ye]} ku gelek navên wê hene (Carduelis carduelis), cureyekî serstrîkan (Fringillidae) ye.

Şayes

Zengilok 12 cm dirêj e. Enî û erzing sor in. Tokek spî di ser berçêlikêre ye li semta guhikan heta perê kulovanka serî diçe. Piniyeke qehwayiya vekirî li singî û teniştan e. Kulovanka serî heta piştpatikê reş e. Du gîxên reş jê şor dibine herdû rexên stûyî. Pişt qehwayiyekî xwelîkî yê vekirî ye. Çeng reş in û qaneke zêrîn û hindek gîxên spî li şaperan e. Kurî reş e rexên perên wê spî ne. Spîlka çavan qehwayiyekî tarî ye. Nikul sorşekirekî pêtînê teniş qehwayî ye. Pê sorşekirekî vekirî ne. Mê û nêr rengek in; yê nêr ji rengî ve piçekê zîqtir e.

Têjik ji serî ve xwelîkiyekî gewr e, gîx û ravên qehwayî li banê serî û patikê û piştpatikê ne, demê wî soratî lê nîne.

Jîngeh

Li Kurdistanê (li nîv çiyayan) xwecih e û zivistanan ji serè çiriya duyê heta dûmahiya nîsanê li deştan ref ref li mêrg û reviyên bi dexel û têr strîzerik (cureyekî strî ye) xweş dihê dîtin.

Parêzî

Bişkojikên gil û giyayî û tovê striyan dixwe.

Reftar

Hêlînên xwe li ser darên bilind çêdike û têjikan jî li navçiyayan tên der.

Belavbûn

Li Tirkiye û Kîprosê û rojhilata nêzîk û bakurê Îraqê heta çiyayên Zagrosê têjikan tîne der. Zivistanan ber bi nişîv heta Sînayê li Misrê û heta bakurê Erebistana Siyûdî diçe.

Çavkanî

^ ^a ^b ^c ^d Şahîn, Îsmaîl Taha (2008). Balindeyên Kurdistanê, 4. Dihok: Spîrêz. r. 49.

Zana Farqînî (2004). Ferhenga kurdî-tirkî. Enstîtuya Kurdî, Stenbol.
H. Heinzel, R. Fitter û J. Parslow (1995). Türkiye ve Avrupa'nin Kuşlari (Kuzey Afrika ve Orta dogu dahil). Türkiye Dogal Hayati Kuruma Dernegi, Stenbol. ISBN 975 94098 28
D. Îzolî (2007). Ferheng. Kurdî-tirkî Tirkî-kurdî. Deng, Amed.
R.F. Porter, S. Christensen, P. Schiermacker-Hansen (1996). Field Guide to the birds of the Middle East. T & A D Poyser, London.

Girêdanên derve

Carduelis carduelis, ser Wîkîcureyê.

Li Wikimedia Commons medyayên di warê Zengilok de hene

[Şahîn2008-1] Şahîn, Îsmaîl Taha (2008). Balindeyên Kurdistanê, 4. Dihok: Spîrêz. r. 49.

[1]