Agirgeh

Dirav ji Erdeşîrê Yekê, perestgeha agirî

Tesvîr ji Nexşê Ristem, Îran

Agirgeh li Yezdê

Perestgeha agirî yan jî agirgeh perestgeh e ku lê rêza yek ji çar elementên pîroz, agirê, tê girtin. Mabedeke zerdeştîtîyê ye, di wateya "mala agirê" de ye.

Ev mabed pirranî ji salonek û gelek odeyên biçûk pêk tên. Di zerdeştiyê de agir, ax, av û hewa elementên pîroz in lewra bêî wan jiyan nabe. Li agirgehan rahîb wekî sîmbolekê, agir xwedî dikin, li wir stran û diayên olî bilêv dikin.

Agir hêza paqijker e. Agir sîmbola restegîniyê, realîteyê ye (aşa: rast(î), sazî). Agir ruhê ameşa spenta (amşaspend) Aşa Vahîşta ye. Pileyên wê hene: Agirdadgeh (agirê edaletê), agiradaran (agirê agiran), û agirbehram (agirê Behram). Herwiha ji dêl agir ve atêş jî tê bikaranîn.

Bi hatina ola îslamê re perestgehên zerdeştiya, pirtûkxane, mabedên wê tên rûxandin, xirabkirin.

Binihêre

• Surx Kotal, Surkh Kotal, mabed li bakurê Efxanistanê.
• Ateşgeh, mabeda agirî li Bakûyê.

Girêdan

• The New Fire Temple of Kerman. A Zoroastrian Educational Institute
• Eintrag in Iranica (en)
• Fire Temples. History of Fire Temples in India. sympatico.ca