Pêşbaziya bedewîtiyê

Serfiraziya têkbirên Miss Earth 2007.

Pêşbaziya bedewîtiyê, pêşbirka rindîtiyê, berbaziya xweşiktiyê ji dam û dezgeha bi dengdayîn û nirxandina desteya hilbijêran, kivşkirina rindan, bedewan re dibêjin. Têkbir tên xelatkirin. Jin an mêr, gorî armanca pêşbirkê, herkes dikare tevlî bibe. Ango pêşbazî bo keçan be keç, lawan be law dibin berendam.

Gava mirov behsa pêşbaziya rindîtiyê dike, pirranî a keçan dikeve bîra mirov. Gorî pêvanên rîndîtiya jûriyan, pêşbazî tên lidarxistin, ji nava berendaman tên hilbijartin. Pêşbaziyên rindîtiyê yên zarok, ajal, kulîlk, duçerxe hwd gelekan jî hene.

Rindîtî heye?

Helbet rindîtî (bedewî, ciwanî) têgîneke dîmane (îzafî) ye. Rîndîtiya teqez nîne. Her kes rind e, her kes dikare yekê rind, yekê nerind bibîne. Jixwe armanca van pêşbaziyan jî bezm û şahî ye. Bi van organîzasyonan temaşekar kêfê dikin, pere tê qezenckirin û bo pêdiviyên cîhana bezm, moda û reklamê, elemanên nû tên kivşkirin.

Dîrok

Kengî ve mirovan pêşbaziyên wiha lidarxistine nayê zanîn. Gotegotên grekiyan behsa pêşbaziyeke mîtosî dike ku 2 hezar sal b.z. xwedayên wekî Afrodît, Hera, Erîs, Athena tevlî bûne.

Yekem pêşbazî sala di 19'ê rezberê 1888'ê de, bi navê Concours de Beaute li Belgiyayê hatiye lidarxistin. Ji nava 350 berendaman keça 18 salî Bertha Soucaret hatiye hilbijartin.

Yekem pêşbaziya fermî û navneteweyî di 14'ê gelawêjê 1908'ê de li Folkstone ya Brîtanyayê û yekem pêşbaziya cîhanê ya rindîtiyê jî di 19'ê avrêlê 1951'ê de hatiye lidarxistin.

Pêşbaziyên rindîtiyê yên sereke

• Miss Universe (rinda gerdûnê)
• Miss International (rinda navneteweyî)
• Miss Earth (rinda cîhanê)
• Miss Europe (rinda Ewropayê)

Ên din

• Miss Intercontinental (ji sala 1971'ê ve)
• Miss Asia-Pasific International (destpêk 1968)
• Miss Tourism Queen International (ji 2004'ê ve)
• Miss Teen International (ji 1993'ê ve)
• Miss Latin America (ji 1983'ê ve)
• Miss America (ji 2006'ê ve)
• Miss Tourism World (ji 1993'ê ve)
• Miss Hawaiian Tropic (ji 1984'ê ve)
• Miss Bikini International
• Mrs. World (ji 1985'ê ve)
• Miss Europe (ji 1928'ê ve)
• Miss Scandinavia (ji 1962'ê ve)
• Miss Baltic (ji 1991'ê ve)
• Dream Girl
• Beauty Of The year
• Pêşbaziya rindîtiya cîhanê ya astengdaran

Pêşbaziyên modeltiyê

• The Best Model Queen
• Miss Model of Models
• The Best Model Of the world
• The Elitte Look Model
• Supermodel of the World
• The Miss Model of the world

Pêşbaziyên lawan û mêran

• Mr. World
• Mister Internatioanal
• Manhunt International
• Mr. Universe
• Mr. International