Thomas Alva Edison

Thomas Alva Edison
Navê rastî	Thomas Edison
Jidayikbûn	11 sibat 1847  Milan
Mirin	18 çiriya pêşîn 1931  West Orange
Sedema mirinê	Type 2 diabetes (Sedemên sirûştî)
Cihê goristanê	Thomas Edison National Historical Park
Hevwelatî	Dewletên Yekbûyî yên Amerîkayê
Perwerde	Cooper Union (1875–1879)
Pîşe	Endezyar dahêner matematîknas peyaner senaryonivîs fizîknas
Xebat	ampûl phonograph
Hevjîn	Mary Stilwell Edison (1871–1884) Mina Miller (1886–1931)
Zarok	Charles Edison Theodore Miller Edison Thomas Alva Edison Jr. Marion Estelle Edison Oeser Madeleine Edison William Leslie Edison
Dê û bav	Samuel Ogden Edison  (bav) Nancy Elliott  (dê)
Xizm	Lewis Miller (father-in-law)
Xelat	Commander of the Legion of Honour (1889) Grammy Trustees Award (1977) Benjamin Franklin Medal Matteucci Medal (1887) Rumford Prize (1895)
biguhêre - Wîkîdaneyê biguhêre

Thomas Alva Edison (jdb. 11ê sibata 1847an li Milan, Ohio; m. 18ê çiriya pêşîn a 1931ê li West Orange, New Jersey) afirendêrê elektrîkê û yek ji kaşîfên navdar ên DYA ye.

Edison tenê bi qasî çend mangî çûye dibistanê. Zaroktiya wî bi xebatê, firotina hêsanxwarinan li metro û trênan derbasbûye. Li cem J.U. MacKenzie li Mount Clemens, Michigan perwerdeya telegrafê dibîne. Pênc salî, ji 1863 heya 1868 ew wekî telegrafker li Stratford (Ontario), Indianapolis, Cincinnati, Memphis, Louisville û Boston dixebite.

Di sala 1868an de yekemîn car patenta alavekê ku deng bi hêza elektrîkê vediguhêzîne werdigire. Saleke şûnde li New York fîrmayek dadimezirîne.

Di 18ê tîrmeha 1877an de keşfa fonografê dike û yekemîn car mirovek dengê xwe yî tomarkirî dibîhîse. Di tomarkirina yekê de gotina "Hello" hatiye bikaranîn. Edison di jiyana xwe de gelek keşfan û pêşxistinan dike. Wekî dîktafon, kînematograf, fîlmkamera, makîneya rontgenê, alava bihîstinê bo kerran hwd.

Thomas Alva Edison, di 28ê gulana sala 1902an de pîl îcat kir.

Edison ji bi artêşa DYA jî gelek alavan çêdike, Dîsa kursiya elektrîkê ya ku bo cezayê îdamê tê bikaranîn jî çêdike. Herçendî ji kongreyê xelata mezin distîne jî ji ber pêşxistina alavên kuştinê di artêşê de û çêkirina kursiya elektrîkê ve ji aliyê gelekan ve hatiye rexnekirin.

Thomas Alva Edison (1878)

Çavkanî

(inglîzî) A Day with Thomas Edison (1922)

Girêdanên derve

Wikiquote-Logo

Di Wîkîgotin da gotarek li ser Thomas Alva Edison heye.