Abdullah Gül

Ji Wîkîpediya, ensîklopediya azad.
Here cem: navîgasyon, lêgerîn
  1. BERALÎKIRIN Şablon:Gotara bêçavkanî
Abdullah Gül
Abdullah Gül Senate of Poland.JPG
Xebat
11em serokê Komara Tirkiyeyê
Ji 28'ê gelawêjê 2007'an ve
Serekwezîr Recep Tayyip Erdoğan
Ê pêşî Ahmet Necdet Sezer
Serekwezîrê Komara Tirkiyeyê
18'ê sermawezê, 200214'ê adarê, 2003
Serkomar Ahmet Necdet Sezer
Ê pêşî Bülent Ecevit
Ê piştî Recep Tayyip Erdoğan
Jînenîgarî
Zayîn 29'ê kewçêrê 1950 (63 salî)
Qeyserî
Partiya polîtîk AKP
Zewac Hayrünnisa Gül
Zarok Ahmet Münir, Kübra û Mehmet Emre
Dîn Îslam (sunî)

Abdullah Gül (bilêvkirina bi kurdî: Evdila Gyûl, z. 29'ê kewçêrê, 1950 li Qeyserî) siyasetmedar û ji 28'ê gelawêja 2007'an û vir de 11emîn serokkomarê Tirkiyeyê ye.

Jînenîgarî[biguherîne]

Piştî bidawîkirina dibistana amadeyî li Qeyseriyê, li zanîngeha Stembolê, fakûlteya aborîzaniyê perwerdeyê dibîne. Li heman zanîngehê perwerdeya xwe ya bilind jî dike û wekî doçent li zanîngeha Sakarya, beşa endazyariya endustriyê de dersdariyê dike.

Di ciwaniya xwe de di nava refên MTTB a ku xwedî nêrînên tirkperwer û îslamîst bûyî, têkoşîn dike. Di nava salên 1983-1991'ê de wekî pisporekî aboriyê li Bankaya bipêşxistina Îslamî dixebite. Sala 1991'ê wekî parlamenterekî Refah Partisi dikeve parlamena Tirkiyeyê. Sala 1993'an dibe cihgirê serokê partiya xwe. Di hilbijartinên giştî yên sala 1995'an de bo cara duyem dikeve parlamenê. Di hikûmeta koalîsyonê ya Refah Partisi - Doğru Yol Partisi de wezîrtiya dûgelê û berdevkiya hikûmetê dike. Bi girtina partiya wê îcar derbasî Fazilet Partisi dibe. Li dijî wî gelek dozên ku wî perê dewletê xwarine tên vekirin. Di dozekê de biryara ji şûnve-girtina pereyan lê tê birrîn û ew jî dide.

Bi girtina Fazilet Partisi îcar jiyana wî ya di nava refên Adalet ve Kalkınma Partisi (AK Parti) de destpêdike. Ew yek ji damezrênerên vê partiyê ye. Di hilbijartinên 3'ê sermaweza 2002'an de bo cara sêyemîn dikeve parlamena Tirkan. Di hikûmeta partiya AK de wezîrtiya derveyî û cihgiriya serokwezîr dike.

Di hilbijartinên 28'ê gelawêja 2007'an de dibe 11emîn serokkomarê Komara Tirkiyê. Sala 1980'î de evînmarî bûye (zewiciye) û xwedî sê zarokan e.

Çavkanî[biguherîne]