Şorbeya koçeran

Ji Wîkîpediya, ensîklopediya azad.
Jump to navigation Jump to search
Şorbeya koçeran

Şorbeya koçeran, li Amedê şorbeya zozanî, şorbeya dimiliyan, şorbeya mastê mihên sor, şorbeyeke pêjgeha kurd e. Derbasê pêjgeha Tirkiyeyê jî bûye û bi romî (tirkî) jê re Yayla Çorbasi dibêjin. Bo vê şorbeyê gelek binavkirin hene.

Berkelî[biguherîne]

  • 1 KŞ (kevçiyê şîraniyê) xwê (solin)
  • 1 KŞ pûjan
  • 1 KX (kevçiyê xwarinê) rûn
  • 1 lt ava goşt
  • 1 SA (stekana-qedeha avê) mastê tîr, parzûnkirî
  • 1 hêk
  • 1/2 SA ard (arvan)

Çêkirin[biguherîne]

Di badiyekê de hêk, ard û mastê biçelpînin. Hindik hindik ava goşt pê bidin xwarin û bidin ser agir. Dema dikele bêrawestan tevbidin (li hev bixin). Dema bêhna ardê çû û hinekê tîr bû, xwê bavêjinê û kelekî pê bînin.

Di rûnbirêşkê de rûn biqijilînin, pûjanê kêmtirî 1 deqeyê biqelînin, baldar bin bila neşewite. Ev ji bo ser şorbeyê ye.