Derûnnasiya komî

Derûnnasiya komî an derûnnasiya civakî, lêkolîneke metodîk e li ser ka çawa hizir, hest û reftar ji aliyê hebûna rastîn, xeyalî, an jî nepenî ya yên din ve bandor dibin. Her çend gelek mijarên girîng ên wekî hevtayê di warê civaknasiyê de dixwîne jî, derûnnasiya komî ya derûnnasîk giraniyê bêtir dide ser takekesan, ne li ser kom an civakê; bandora avahiya civakî û çandê li ser encamên takekesan, wekî kesayetî, tevger û pozîsyona kesekî di hiyerarşiyên civakî de. Ev herwiha bêtir bi lêkolînên ceribandinî û laboratûarê ve girêdayî ye.

Derûnnasên civakî bi gelemperî tevgerên mirovan wekî encamek têkilî di navbera rewşên derûnî û rewşên civakî de rave dikin, şert û mercên civakî yên ku tê de hizir, hest û tevger çêdibin û ka ev guherbar çawa bandorê li têkiliyên civakî dikin lêkolîn dikin.