Edwin Chiloba
Edwin Kiprotich Kiptoo, ku bi navê Edwin Chiloba dihate naskirin, pîşesazê modayê û çalakvanek LGBT yê kenyayî bû. Ew li Kenyayê bû qurbana cînayetên nefretê li dijî kesên LGBT.
Kurtejiyan[biguhêre | çavkaniyê biguhêre]
Chiloba li bajarê Elgeyo Marakwet hate dinê. Diya wî dema ku ew hê zarok bû mir, û wî di ciwantiya xwe de bavê xwe jî winda kir. Ew windabûn jê re bû çavkaniya sereke ya îlham û motîvasyona wî.
Wî li Kampusa West University Moi dest bi xwendinê kir lê xwendina xwe neqedand û berê xwe da modayê. Ji ber vê yekê ew çû Nairobi da ku xewna xwe ya peydakirina kar di pîşesaziya modayê de li wî bajarî bişopîne. Wî dest bi xêzkirina xebatên xwe kir û hin karên xwe li ser medyaya civakî weşand. Xebatên wî li wir gelek bertekên erênî wergirtin û ev bû destpêka kariyera wî ya wek hunermendê modayê. Saya vê serkeftinê, wî biryar da ku xwe li dibistanek modayê tomar bike. Ew wekî sêwiranerek modayê ya nebînar dihat nasîn û hewl da payîniyên kevneşopî yên ku li ser wî hatibûn danîn, hilweşîne.[1][2][3]
Kuştina wî[biguhêre | çavkaniyê biguhêre]
Cenazeyê Chiloba di 4ê çileya 2023an de li ser rêyek li parêzgeha Uasin Gishu ya li rojavayê welêt hate dîtin. Li gorî agahiyên polîsan wesayîteke bê plaqe dema ku sindoqekê dadixist hat dîtin. Memûrên ku hatin gazîkirin di sindoqê de cesedê zilamekî bi cilûbergên jinan dîtin. Hate ragihandin ku Chiloba berî bûyerê ji ber çalakiya xwe bo mafên kesên LGBT rastî êrîşan hatibû.[4][5]
Kesên LGBT yên li Kenyayê gelek caran rastî cudakarî û êrîşan tên. Li welêt seksa di navbera mêran de bi awayekî fermî neqanûnî ye û bi zîndanê tê cezakirin.[6]
Çavkanî[biguhêre | çavkaniyê biguhêre]
- ^ Share; Whatsapp, Share on; 0 (6 kanûna paşîn 2023). "Edwin Chiloba Biography, Wikipedia, Age, LGBTQ, Cause of Death". MayorTunesMedia (bi îngilîziya amerîkî). Ji orîjînalê di 7 kanûna paşîn 2023 de hat arşîvkirin. Roja gihiştinê 7 kanûna paşîn 2023.
{{cite web}}:|paşnav3=sernavekî bi reqaman bi kar tîne (alîkarî) - ^ Guru (6 kanûna paşîn 2023). "Who was EDWIN CHILOBA? – Inside the private life of the murdered Eldoret-based LGBTQ activist and model". DAILY POST (bi îngilîziya amerîkî). Ji orîjînalê di 7 kanûna paşîn 2023 de hat arşîvkirin. Roja gihiştinê 7 kanûna paşîn 2023.
- ^ Koech, Kevin (6 kanûna paşîn 2023). "Edwin Chiloba: How Slain LGBTQ Activist Rose To Become Top Model Despite Backlash From Family - whownskenya" (bi îngilîziya amerîkî). Roja gihiştinê 7 kanûna paşîn 2023.
- ^ "Kenianischer LGBTQ-Aktivist Edwin Chiloba offenbar brutal getötet". Der Spiegel (bi almanî). 6 kanûna paşîn 2023. Roja gihiştinê 7 kanûna paşîn 2023.
- ^ LGBTQ activist Edwin Chiloba found dead in Kenya – BBC News (bi îngilîzî), roja gihiştinê 7 kanûna paşîn 2023
- ^ "Gay rights in Kenya: 'Why our fight isn't over'". BBC News (bi îngilîziya brîtanî). 24 gulan 2019. Roja gihiştinê 7 kanûna paşîn 2023.