Hingiv

Ji Wîkîpediya, ensîklopediya azad.
Here cem: navîgasyon, lêgerîn
Hingiv

Hingiv (bi soranî: hengwîn), mêşhingiv hingivê ji nektarên kulîlkan di kewaran de çêdikin. Nektar avzeya kulîlka ye. Têdahiya (mûhteva) nektaran bi piranî şekir e, nektar 80% ji av û 20% ji şekir pêk tê. Mêşhingiv bi zimanê xwe yên dirêj û luleyî nektar ji kulîlkan dimijin.

Mêş nektar naxwin, di aşika hingiv de berhev dikin. Şekirê nav nektar sukroz e. ji ber ku ji du molekul şekirên biçûktir (monosakarît) çêbûye, ev şekir di grûbakarbonhîdratan de wek dîsakarît tên bi navkirin. Şekirê çay jî sukroz e, ango nektar dişibe şekirê çay.

Di aşika hingiv a karkeran de enzîmek bi navê învertaz te çêkirin. Sukroza nav nektar bi vê enzîmê tê dehandin û sukroz parçe dibe, glukoz û fruktoz çêdibe. Gava mêşhingivên aşik bi nektar tijî, tên kewarê, ew nektarê vedirêşin nav çavikên şanê. Ji ber ku di nav nektar de av zêde ye, mêşhingiv di hundirê keware de baskên xwe li hev didin, bi alîkariya ba û hênikayî ya hundirê kewarê, ava di nav nektar dûkel dibe. Dema ava nav nektar daket 20%, nektara ronkirî êdî tîr dibe. Bi alîkariya enzîmên mêşê, nektara tîr êdî dibe hingiv. Mêş devê çavikê bi pelika şima digrin û derbasî çavikek din a vala dibin.

Hingiv çi li xwe digire?[biguherîne]

Hingiv bi piranî şekir û av li xwe digire. Di nav hingivê dobê (hingivê helandî) de 38% fruktoz, 31% glukoz, 10% şekirê maltoz û dîsakarîdên din, 17% av, 2% enzîm û proteîn, 2% mîneral û asîdên organîk heye. Ango piraniya hingiv ji şekir pêk tê.

Hingiv çima şekir digire?[biguherîne]

Şekirgirtina hingivê siruştî, tiştekî asayî e. Sedema şekirgirtin (belûrîbûn,krîstalîbûn) a hingiv glukoz e. Rêjeya avê di nav hingiv de bi qasî % 17 an e, lê rêje ya şekir % 80 an e. Ango hingiv pir tîr e. Ji ber vî sedemê glukoz a di nav hingiv de belûrî dibe. Belûrî bûn li germahiya nav 10- 21°C de dest pê dike. Dema belûrîbûnê dest pê kir,glukoz ji avê vediqete û wek belûrên piçuk û gewr telp dibe.Hingivê belûrî(krîstalbûyî) dinav ava 45°C de bi qasî çend xulekan bîmîne, wê cardin bibe hingivê dobe.

Li Kurdistanê û gelek cihên din mirov ji bo hingivî mêşhingivan xwedî dike.

Wêneyin hingiv[biguherîne]

Çavkanî[biguherîne]

https://en.wikipedia.org/wiki/Honey

Girêdanên derve[biguherîne]

Wiki letter w cropped.svg Ev gotar şitlek e. Heke tu bixwazî berfireh bikî, biguherîne bitikîne. (Çawa?)