Katedrala Firenzeyê

Qubeya Brunelleschi, Battistero di San Giovanni û Campanile di Giotto ya Katedrala Santa Maria del Fiore (wêne ji Girê Michelangelo hatiye kişandin).

Katedrala Firenzeyê, bi fermî Cattedrale di Santa Maria del Fiore an Firenze diomo katredal û sembola bajarê Firenzeyê ye.

Ew di sala 1296an de bi şêwaza gotîk bi sêwirana Arnolfo di Cambio hate destpê kirin û ji hêla strukturî ve di sala 1436an de hate qedandin. Beşa paşîn a lêzêdekirî qubeya Filippo Brunelleschi bû. Derveyê basilîkê bi panelên mermer ên polîkromî yên bi rengên kesk û pembe hatine xemilandin, yên ku bi mermerê spî ve hatiye dorpêç kirin. Rûyê xwe yê gotîk ê sedsala 19an ji hêla Emilio De Fabris ve hatiye çêkirin.

Kompleksa katedralê ya li Piazza del Duomo avahiyên Battistero di San Giovanni û Campanile di Giotto vedigire. Ev sê avahî beşek in ji Kelepora Cîhanê ya UNESCOyê ku navenda dîrokî ya Firenzeyê vedihewîne û seyrangehek geştiyar a Toskana ye. Basilika yek ji dêrên herî mezin ên Îtlayayê ye, û heya pêşkeftina materyalên nû yên avahîsaziyê di serdema nûjen de, qubeya herî mezin a cîhanê bû. Ew qubeya herî mezin e ku heya niha bi tuxleyan hatiye çêkirin.

Katedral dêra sereke ya Archidioecesis Florentina ye, ku serpîskoposê wê Giuseppe Betori ye.