Kongreya Demokratîk a Gelan

Kongreya Demokratîk a Gelan (bi tirkî: Halkların Demokratik Kongresi, HDK) yekitiyeke ji gelek tevger, rêxistin û partiyên çepgir ên Tirkiyeyê ye ku armanca wê ew e ku di bingehê xwe de siyaseta Tirkiyeyê ji nû ve biafirîne û nûnertiya kesên bindest yên ku bi cudakariya etnîkî, olî an jî zayendî rû bi rû ne.

Kongre dij-kapîtalîst e û di 15ê cotmeha 2011an de hate avakirin û gelek konferans û kongreyên fermî li dar dixe. Kongreyê di sala 2012an de Partiya Demokratîk a Gelan (PDG) ava kir, ya ku baskê wê yê siyasî ye. Yekitiyeke bi heman rengî ya komên çep, Tevgera Hezîranê ya Yekbûyî, di sala 2014an de hat avakirin.