Mihregan
![](http://upload.wikimedia.org/wikipedia/commons/thumb/d/d3/Mehregan_Table_Persian_Festival_of_Autumn_in_Holland_Photo_by_Persian_Dutch_Network_2011.jpg/220px-Mehregan_Table_Persian_Festival_of_Autumn_in_Holland_Photo_by_Persian_Dutch_Network_2011.jpg)
Mihregan, cejna Mihregan, weke cejneke dîrokî ku kurdên zerdeştî her sal di dehemîn roja demsala payîzê de tê pîrozkirin. Cejn şeş rojan tê pîrozkirin. Roja cejnê ya pêşî bi navê Ramihregan a giştî û roja dawî jî wek cejna Mihregan a taybet tê nasîn[çavkanî hewce ye].
Di ola zerdeştiyan de ku ola dêrîn a kurdan e, dehemîn roja demsala payîzê wek cejna Mihregan tê nasîn û piştî Newrozê wek mezintirîn cejna dîrokî ya Rojhilata Navîn tê nasîn ku ji aliyê zerdeştiyan ve tê pîrozkirin û 6 rojan berdewam dike.
Bi baweriya zerdeştiyan, Ahuramezda Yaqut di Newrozê de û Zîbercid (kevirekî dîrokî û binirx) jî di roja Mihregan de çêkirine. Zerdeştiyên li rojhilatê Kurdistanê bi sedan sala ye vê cejnê pîroz dikin.
Mihr tê wateya ronahî, dostatî, peywendî û mihrivanî, cejna Mihregan ji bo mihrîvankirin û rûbirûbûna ligel derew û nemihrîvaniyê tê pîrozkirin. Cejna Mihregan li agirgehên zerdeştiyan tê pîrozkirin. Navendeyên ku lê zêde tê pîrozkirin jî herêmên rojhilatê Kurdistanê ên weke Kimanşanê ne.