Millî Gazete

Millî Gazete
Milli Gazete logo.gif
Welat	Tirkiye
Ziman	Tirkî
Senifandin	Rojnameya rojane
Weşanxane	Yeni Neşriyat A.Ş
Hejmara yekem	12ê kanûna paşîn 1972
Derketin	rojane
Tîraj	51.631 netGazete
Gerînendeyê giştî yê weş.	Mustafa Kurdaş
Xwedî	Ömer Yüksel Özek
Malper	Malpera fermî ya rojnameyê (romî)

Milli Gazete (rojnameya neteweyî) rojnameyeke tirkî ye. Navenda wê li Stenbolê ye. Wekî rojnameya fermî ya tevgera Nêrîna Neteweyî (Millî Görüş) tê dîtin. Ev tevger îslam û berjewendiyên neteweyî yên tirkan li hev dicivîne, di bin siya bîrdoziya tirk-îslamê de siyasetê dike.

Bo daxwaz û derdên kurdan ti pêşniyarek wan nîne, di meseleya kurdan de xwe didin aliyê îdeolojiya fermî ya dewletê û mafên kurdan wekî cudaxwaziyê dibînin, bi tundî li dijî têkoşîna azadiyê ya kurdan derdikevin.

Tevgera Milli Görüş û ev rojname bi pêşengiya serokwezîrê demekê, Necmettin Erbakan hatiye damezirandin.

Siyaseta vê rojnameyê

Pesnê tevgera Milli Görüşê dide. Pesindariya osmanîyan dike. Li dijî daxwazên kurdan e. Kurdan wekî parçeyekê ji neteweya tirk dibînin. Dijminiya cihû, ermenî, yewnanan dike. Li dijî cîhana rojavayî nûçeyan belav dike lê bo berjewendiyan carnan prînsîbên xwe diguherînin. Mirov dikare bêje nêzîkê mîrnişîniyên erebên kendavê ne. Him sûdê ji berhemên rojavayiyan werdigirin, dan û standinan dikin, him jî dînê Îslamê bi hin elementên dirûvî û tevgerî yên bisînorkirî, dijîn.

Ji ber ku demekê komkujiya cihûyan înkar kiribû, ji aliyê saziyên ewlekariyê yê Almanyayê ve ev rojname tê şopandin. Li dijî dînê xrîstiyaniyê, DYA û Îsraelê gelek radiweste. Dijberiya rêxistin û saziyên kurdan dike.

Girêdanên derve

• Malpera fermî ya Milli Gazeteyê (bi zimanê romî)
• Agahî ji saziya ewlekariyê ya alman (almanî) ^{Girêdana arşîvê 2011-05-29 li ser Wayback Machine}
• Daxuyaniya serokê saziya ewlekariyê ya federedewleta Niedersachsenê ^{Girêdana arşîvê 2009-05-02 li ser Wayback Machine}