Ronahî (fizîk)

Ronahî tîrêjeka karevayî-asinrevayî ye ko pêldirêjahiya wê bi çavên mirovan dihên dîtin. Di nivîsînên zanistî da, hindek caran ji hemî tîrêjên karevayî-asinrevayî yên xwedî hemî pêldirêjahiyan ra dibêjin ronahî. Keriyê hîmaniya ko ronahiyê pêşber dikit foton e.

Sê rehendên ronahiyê

Sê rehendên (anko dîmensyon) ronahiyê û hemî tîrêjên karevayî-asinrevayî ev in:

• Tewijim (bi îngilîzî: intensity) an mezinahî (fizîk) ko bi hesta ronatî ya ronahiyê ve girêdayî ye.

• Frekans an jî bi awayekê dî pêldirêjahî ko mirov wekî reng berhest dikin.

• Cemserandin (anko kujiyê velerzînê) ko mirov di rewşên edetî da bi zehmet dikarin hest pê bikin.

Ji ber saloxetên duanî yên pêl-keriyan, ronahî saloxetên herduan nîşa didit. Lêkolîna li ser ronahiyê ko bi navê optîks dihêt niyasîn, yek ji tayên giring ji fîzîka nûdem e.