Kaniya Xezalan

Tilebyad (tr. Akçakale) yek ji navçeyên Rihayê ye. Xwedî dîrokeke kevn e. Rûber 1.248km², bilindahî ji rûyê avê 385m ye. 52km ji Rihayê dûr e. Gorî hejmartinên fermî yên sala 2000´î hejmara niştecihên navendê 32.114 û bi giştî jî 77.261 e. 1 şaredarî, 1 nehiye, 87 gund û 160 mezreyê wê hene. Pirraniya mezreyan ji aliyê dewletê ve hatine rûxandin an valakirin. Gelê herêmê gelek xizan e. Aboriya xwe bi xebata pembo, çandinî û xwedîkirina ajalan dikin. Riya pirraniya gund û mezreyan nîne. Herwekî elektrîk, bijîşk, av, dibistan jî kêm in û gel gazindar e.