Wîkîpêdiya
 | Ev gotar bi zaravayê kurdiya başûrî (kelhurî, kurdî xwarig) hatiye nivîsandin û bi zaravayên din ên zimanê kurdî jî hene: Bi kurmancî: Wîkîpediya Ji bo malpera kurdiya başûr, binêre: Wîkîpediya Kurdiya başûr (kelhurî). Ji bo lîsteya gotarên bi kurdiya başûr jî binêre gotara bi kurdiya başûr. |
Wikipêdiya (we Êngılisi: Wikipedia) projeyıg aza, wef-binîçe, hewbeş, û çendzıwanı ye ke we lay Bingey Wikimedia pıştiwani bûd. Nawegey amêteyıg e le dû wışey "wiki" (we zıwani Hawaiyane yani "tûn", û "encyclopedia" ke wışeyıg Êngılisi ye be menay "zanıstname". Ta ise nızigı 13 milyon wetar û namilke le Wikipêdiya nüsyag e, gışti we des xwazyarel (dawtelebel) le gışt şüneganı dunya. Her wey cûre her kesiş ke bıtıwayıd tıwanıd Wikipêdiya bırazid (virayış bıked). Wikipêdiya le salı 2001 we des Jimmy Wales û Larry Sanger xısyagese ser. İse Wikipêdiya tûntırin, gewretırin û wedıltırin serçawkey (merce') êtılaat le internêt e.
Munteqıdelı Wikipêdiya ıntıqad lewe ken ke ey proje we tûrı pergalane (sistemik) laygiri (canıbdari) keyd û üşın ke Wikipêdiya firetır we tewafıqı wırazeregan (êditoregan) ehemiyet deyd ta we êtıbar û senediyetı wetaregan. Qabılı ıtminan bün û durusti Wikipêdiyaş we lay be'zı keseyl red biye.
Kovarı (meceley) Time Wikipêdiyay le dırijarı YouTube, MySpace, û Facebook le nımûneylı sêrvıseylı Wef 2.0 naw bırıge ke milyoneyl wekarer (karber) dirin.
Dîrok
[biguhêre | çavkaniyê biguhêre]Ey proje le wera we sureti Nupedia des we kar kird. Nupedia yê zanistnamey mecazî bî we zuwani Êngilîsî. Pîya serekîgani Nupedia êbaret bîn le Jimmy Wales (mudîri êcrayî Bomis) û Larry Sanger, mudîri wirastin Nupedia ke le duma bîye mudîri wirastin Wîkîpêdîya.
Wales wey xasîyete nasyag e ke amancî (hedefî) ewe bî ke zanistnameyg daştibî ke herkesîg bituwanîd wirazîdî. Welî Sanger merûf e we eye ke erra resîn wey armance le wîkî îstifadey kird. Le kûtayî salli 2001a Wîkîpêdîya 20,000 wetar we 18 zuwani dînya daşt. Wîkîpêdîyay Êngilîsî le Sali 2007a le merzi 2 mîlyon wetar wirya.
Sirûşti Wîkîpêdîya
[biguhêre | çavkaniyê biguhêre]Wîkîpêdîya curîg e ke her kesîg tuwanîd we endam bîn wetaregan wirazîd ya binûsîd. Gişt nişanegan û redipayeli wirastinegan mînîd û dîyar bud ke kî çe kirige û çe nekirige.
Yegîg le muşkilegani Wîkîpêdîya yese ke xuwenergan nîyezanin ke erra nimûne ey wetare ke xuwenin tûşyari genkarî (xirawkarî) bîye û kesîg erra genkarî kirdin ey deskarî kirige ya ne.
Le demi nûsîn û wirastini wetaregan parastini qabili êtmînani bîni metlebegan û durustîyan erra Wîkîpêdîya fire giring û mohêm e.