Zîperdasiya bi mayonez

Ji Wîkîpediya, ensîklopediya azad.
Jump to navigation Jump to search

Zîperdasiya bi mayonez varyanteke ji xwarinên masiya zîperdasîyê (zîpermasî jî dibêjin) ye. Li aşxaneyên Bakurê Kurdistanê û Tirkiyeyê pirranî sosa ku jê re dibêjin aîolî bikartînin ku ew jî jixwe ji mayonezê ye.

Derbareyê zîperdasiyê de[biguherîne]

Zîperdasî (scomber scombrus) navê malbateke masiyan e. Di rengê zîvê de ye. Kêmzêde 10 sal dijîn. Dirêjiya wan 30-50 cm ye. Zîperdasiyên bo xwarinê tên bikaranîn 100-150 gr in. Li pirraniya deryayan dijî. Li Deryaya Navîn jî gelek in.

Berkelî[biguherîne]

  • Nîvê stekanê (qedeh) mayonez
  • 2 dendik sîra (kutayî)
  • 2 stekan rûnê zeytê
  • 5 zîperdasî
  • Nîvê kevçiyê xwê
  • 1 stekan ard (arvan)
  • 2 kevçî rûnê tîr (margarîn)
  • 1 lîmon
  • 1 baq bexdenûs

Çêkirin[biguherîne]

Biraşteya xwe (izxare) vêxin, bi rûnê zeytê amade bikin. Berê divê hûn sosa xwe çêbikin. Sîra kutayî û mayonezê di badiyekê de tevdin. Hûn dikarin zerika hêkê, sirke û gormizê (xerdel) jî bixinê. Bi ziravkî rûnê zeytê berdin serê.

Masiyên xwe pakij bikin, bihêlin bila ava wan biherike, bidarive. Masiyên xwe xwê bikin û ard pê werbikin. Masiyên ardkirî yeko yeko bidin ser biraşteyê. Carnan bi firçeyekê rûnê zeytê lêdin û 6-7 deqe bipijînin.

Rûnê tîr di verokekê de (quşxaneya biçûk) biqijilînin. Bi rinekek (firçe) vê rûnê li rûyê masiyan bidin. Zîperdasiyan bi sosa we amadekiribû, lîmon, bexdenûs ûêd bixemilînin û bînin ser destexaneyê (sifreyê).