Frédéric Chopin

Ji Wîkîpediya, ensîklopediya azad.
Here cem: navîgasyon, lêgerîn
Chopin, 1835

Frédéric Chopin (bi polonî: Fryderyk [Franciszek] Chopin, carina jî Szopen, bilêvkirina kurdî: Fransiwa Şopin), (1 adara 1810'an – 17 cotmeha 1849'an) mûzîkdaner û piyanovanê navdarê Poloniyayî ji rêbaza romantîsîzm. Ew ji mezintirîn mûzîkdanerên piyanoyê dihêt hesibandin.

Jînenîgar[biguherîne]

Chopin li Zelazowa Wola, nêzî Warşovaya paytext li babekê Fransî û daykeka Polonyayî hat dinyayê. Daybabên wî ew li jiyê 4 saliyê fêrî piyanoyê kir. Mûzîkdanana (kompozîsyona) wî ya herî pêşîn li sala 1817'ê, hêşta heft salî hat belavkirin.

Dema jiyê wî bîst sal bû, çû Parîsê. Ew li Parîsê wekî dersdêrekê piyanoyê yê herî navdar hat niyasîn. Wî dest ji mûzîkdananê berneda. Wî têkhilîyeka gelek nêzîk bi George Sandî ra çêkir.

Li sala 1838'ê tûşî nesaxiya êşa zirav bû. Sandî heta sala 1847'ê sexbêrî lê kir. Piştra, ew ji hev cida bûn û heyamekê piştî hingî Chopin bi wê nesaxiyê mir.

Bandora wî[biguherîne]

Herçind e Şopin li welatê bûna xwe, Polonyayê dûr jî bû, evîna wî welatê bi şeran ji hevhilweşyayî her di dilê wî da mabû. Mazurkayên wî xema mûzîka gelêrî ya Polonyayê digehînin.

Mûzîka wî gelek romansî û evînî ye û kartêkir û bandorek mezin li ser gelek mûzîkdanerên dî, mîna Franz Liszt hebûye.