J. Hans D. Jensen
Hans Jensen (* 25'ê pûşperê 1907 li Hamburg; † 11'ê reşemiyê 1973 li Heidelberg; navê dirêjî Johannes Hans Daniel Jensen) fîzîknasekî Alman bû ku guncavê Xelata Nobel a fîzîkê hatibû dîtin. Wî bi tevî Maria Goeppert-Mayer di cîhana atomdendikê de teoriya modela keriyê (qetît, feliq, kûzî, şêrt) ava kirin. Cihê herî lê maye û xebitiye Zanîngeha Heidelberg bûye.
Tabloya Naverokê |
[biguherîne] Jiyan
Hans Jensen di 25'ê pûşpera sala 1907 wekî sêyemîn zarokê baxçevan Karl Friedrich Jensen û hevjîna wî Helene Auguste Adolphine (keçiktiyê Ohm) hatiye jiyanê. Ji sala 1926 pê ve li Zanîngeha Hamburg Universität Hamburg û zanîngeha Albert-Ludwigs-Universität li Freiburg a Breisgau fîzîk, matematîk, kîmyaya fîzîkal û fîlozofî xwendiye. Piştî doktoriya xwe ya di warê fîzîkê de, wekî asîstan (li Hamburgê) dimîne. Sala 1937 dibe doçent û sala 1941 li zanîngeha bi navê Technischen Hochschule Hannover payeya profesoriyê werdigire.
Di navberê de wekî profesorê mêvan li DYA, bi taybetî li Institute for Advanced Study a li Princeton (1952) e, li University of Wisconsin (1951), li University of Minnesota (1956), li Indiana University (1953), li California Institute of Technology (1953) û Berkeley (1952), li University of California at La Jolla (1961) dersdariyê dike. Ew ji sala 1955 pê ve bi Otto Haxel bi navê Kovara Fîzîkê Zeitschrift für Physik kovarekê dertîne.
[biguherîne] Xebat û girîngî
Ew ji destpêka 1930yê ve li ser atomdendikê radiweste. Ji be lêkolîn û xebatên xwe sala 1963 nîvê Xelata Nobelê werdigire, nîvê din ji Eugene Wigner re diçe.
[biguherîne] Xelat û paye
- Professor li Zanîngeha Hamburg, 1947
- Doktorê rûmetê yê Universität Hannover 1964
- Xelata Nobel a fîzîkê, 1963, bi tevî Maria Goeppert-Mayer
- Hevrûmetê Fort Lauderdale, 1969
- Avahiya enstîtuya fîzîkê ya li ser kolana Philosophenweg 16 (1912 ji aliyê Hugo Merton hatibê avakirin) bi navê wî hat navandin (25'ê pûşperê 2007)
- Profesoriya mêvanî-Jensen di dirûvê profesoriya weqfan de bernameyek hat avakirin ji sala 2008 li Zanîngeha Heidelberg
- Endametiya Akademiya Zanistiyê ya Heidelberger sala 1947
- Endametiya nûnerî ya Civaka Max Planck sala 1960
- Endametiya Leopoldina sala 1964
