Çira TV

Ji Wîkîpediya, ensîklopediya azad.
Jump to navigation Jump to search

Çira TV yekemîn kanala televîzyonê ya êzîdiyan e.

Çira TV, yê ku demeke dirêj amadekariya wesanê dikir, 4'ê tebaxê 2012 dest bi weşanê kir. Ev kanala ku hemû weşanên wê bi kurdî ne, wê bîraniyê bide aliyên dîrokî û felsefî yên baweriya êzîdî. Pirraniya bernameyên ji bo danasîna çand û jiyana civaka êzîdî tên amadekirin. Wekî din, di serî de rewşa zimanê kurmancî rûdan û pêşveçûnên civakî, siyasî û çandî yên jiyana rojane yên li Kurdistanê jî mijarên sereke yên wesanên Çira TV ne.

Bernameyên Çira TV[biguherîne]

Çira TV hewl dide ku bibe şopajoya pirsgirêkên rojane yên kurdên êzîdî yên car perçeyên Kurdistanê, Ermenistan, Qafqasya, Rûsya û Ewropayê. Rayedarên Çira TV destnîşan dikin ku her çiqas kanala wan weke TV'yeke baweriyê hatibe sazkirin jî, ewê di pêvajoya tê de ji bo bernameyên zarokan, ciwanan, jinan, çand û wêjeya kurdî jî cihekî berfireh biqetînin.

Temaşevan karin Çira TV'yê li Rojhilata Navîn, Qafqasya û tevahiya Ewropayê temase bikin. Weşanên Çira TV di heman demê de li ser du satelaytan (Eurobird 9.9 û Nilesat 7) kare bê temaşekirin.

Mijarên têkildar[biguherîne]