İkram Oğuz

İkram Oğuz
Jidayikbûn	1962
Pîşe	Nivîskar
biguhêre - Wîkîdaneyê biguhêre

İkram Oğuz (z. 20'ê Tîrmeh, 1962 Xanbegiya Jêrîn, Tatos (Tekman)) nivîskarekî kurd e.

Jiyan

İkram Oğuz (bixwîne: Îkram Oẍuz)

İkram Oğuz nivîskarekî kurd e.

Ew di sala 1962an da li gundekî Sehedê, li Xanbegiya Jêrîn a li ser Tatosê ji dayîk bûye.

Di pênc saliya xwe da dersa Quranê ji bavê xwe girtiye û di zarokatiya xwe da ji bilî Quranê, bi tîpên Erebî Mewlûda Mele Ehmedê Batê û Nûbar a Ehmedê Xanî xwendiye.

Dibistana ewil li gund, ya navîn û lîse jî li Erzîromê qedandiye.

Di dema 12ê Îlonê (1980) da hatiye girtin û demek di girtîgehâ Erzîrumê da da ma ye.

Di navbera salên 1984-88an da li Zanîngeha Stembolê Fakulteya Aborîyê xwendîye û qedandîye.

Piştî Zanîngehê çend salan li Stembolê di fîrmayeke taybet da wek rêvebir xebitiye.

Di destpêka sala 1992an da dest bi karê weşangerîyê kirîye.

Di nav damezranêrên Rojnama Azadî û Kovara Deng da cîh girtiye û wek berpirsiyarê giştî yê weşanan, rojname bi rê ve biriye.

Di heman demê da wek xwediyê weşanxaneyê, ji bilî Rojnama Azadî û Kovara Deng bi dehan pirtûkên Kurdî û Tirkî weşandî ye.

Di navbera salên 1992-94an da sedem nivîs û rêvebirîya wî, ji alî Dadgehên Parastina Dewletê va di derheqê wî da bi sedan doz hatine vebûn.

Di Gulana 1994an da, bi girtin û qedexekirina Rojnama Azadî va ew jî sedem hin nivîsên xwe û xwedîtiya rojnamê bi cezayê girtîgehê hatiye sizakirin.

Loma di dawiya sala 1994an da bi awayekî xeternak derketiye derveyî welat û karên xwe yên siyasî li Ewropayê domandiye.

Di dawiya salên 90î de dest ji siyaseta hizbî berdaye û di fîrmayeke taybet de wek rêvebir xebitîye.

Di sala 2004an da jî bi hinek hevalên xwe ra malpera http://www.navkurd.eu damezrandîye. Ji wê demê û vir da xwedî û berpirsiyarê malperê ye û di malperê da bi kurdî dinivîsîne.

Îkram Oğuz zewicî ye û bavê Şevîn û Kejê ye.

Berhemên wî

Bi navê Mîro û Rêwî du roman û Jîyan bi kurdi xweş e! û Dengbêjên bavê min (nivîsên bijarte û lêkolîn) çar pirtûkên wî hatine weşandin.

·       Mîro, roman, ISBN 978-605-4427-58-1, di Adar a 2014an de li Stembolê, di nav weşanên Weşanxaneya Do de derket.

·       Rêwî, roman, ISBN 978-605-4765-25-6, di îlona 2017an de li Stembolê, di nav weşanên Weşanxaneya Doz de derket.

·       Jîyan bi kurdî xweş e!, di Cotmeh a 2019an da li Kornwestheimê, di nav weşanên NavKurd da derket.

·       Dengbêjên bavê min, di Sibata 2021an da li Kornwestheimê, di nav weşanên NavKurd da derket.

Herwiha di gelek kovar û rojnameyan da gotarên wî yên bi Kurdî hatine weşandin.

Girêdanên derve

• e-pirtûk Jîyan bi kurdî xweş e! ^{Girêdana arşîvê 2020-01-09 li ser Wayback Machine}
• e-pirtûk Dengbêjên bavê min ^{Girêdana arşîvê 2023-02-04 li ser Wayback Machine}
• http://navkurd.net/category/ikram-oguz/ ^{Girêdana arşîvê 2016-04-04 li ser Wayback Machine}
• http://navkurd.net/category/ikram-oguz/