Bad Gyal

Alba Farelo i Solé
Jiyan
Bernav	Bad Gyal
Jidayikbûn	7ê adara 1997an(1997-03-07)  Vilassar de Mar, Barselona, Ketelonya (Spanya)
Pîşe	stranbêj, strannivîs, DJ û lîstikvan
Salên çalak	2016 - roja me
Etîketa qeydê	Aftercluv Dance Lab Universal Music Latino Interscope Records
Malper	akabadgyal.com badgyalmusic.com
biguhêre

Alba Farelo i Solé (jdb. 7ê adara 1997an li Vilassar de Mar, parêzgeha Barselonayê, Ketelonya (Spanya)) ku bi bernavka xwe Bad Gyal tê zanîn, stranbêj, strannivîs, DJ û lîstikvaneke ketelan e. Muzîka wê wekî tevhevkirina janrên wekî reggîton, dancehall û trap tê binav kirin. Ji bilî kariyera xwe ya stranbêjiyê, ew bi xebata wekî DJ û bi şêwaza xwe tê zanîn.

Jiyana berî

Alba Farelo di 7ê adara 1997an de li Vilassar de Mar,Barselonayê ji dayik bû.Ew ji pênc zarokan ya herî mezin e. Bavê wê lîstikvan û dûblajvanê navdar Eduard Farelo ye, ku di guhertoya spanî de wekî dûblajvanê Gollum di sêyîneya Lord of the Rings û Bail Organa di prequelên Star Warsê de tê zanîn.

Di destpêkê de li Vilasarê di nanpêjxaneyek herêmî de, wekî garson û di navendek telefonê de xebitî. Di sala 2016an de, wê dest bi xwendina sêwirana modeyê li BAU li Barselonayê kir, lê sala paşîn dev ji xwendina xwe berda da ku balê bikişîne ser hewesa xwe ya herî xurt: muzîk.

Berî ku navdar bû, ew di vîdyoklîpa "Te Invito A Soñar" ya stranbêj Ayesha Chanel de xuya bû.

Hunermenda ku nikarîbû stûdyoyek tomarkirinê û hilberînerek bikira, li malê tomar kir û bi alîkariya hevalan, di dema xebatê de stranên xwe yên yekem derdixist. Bi dahata konserên xwe yên ewil re, piştî demekê zêdetir dest bi xebatên hilberîn û tomarkirinê kir.