Bazofîl

Ji Wîkîpediya, ensîklopediya azad.
Jump to navigation Jump to search
Blausen 0077 Basophil ku.png

Bazofîl an jî bi ingîlîzî"Basophil" yek ji sê cureyên xiroka spî ya danikî ye. Bazofîl di sala 1879 de ji aliyê bijîşkê Alman Paul Ehrich ve hate vedîtin[1]. Di nav laş de, xiroka spî ya herî hindik bazofîl e. Rêjeya xaneyên bazofîlê di nav lêkosîtan de ji %1ê kêmtir e. Xaneyên bazofîlê di moxê hestî de tê çêkirin. Herî baş boyaxên alkalîn(bazî) renk dide danikên bazofîlê[2]. Danikên bazofîlê gir in, bi boyaxê rengê şîna tarî an jî mor digirin. Bi gelemperî, dendika bazofîlê du lobî ye. Hejmara bazofîlan dema kulbûniyê û alerjîbûniyê de gelek zêde dibe[3]. Danikên bazofîlê hîstamîn derdidin[4]. Hîstamîn madeyek kîmyayî ye, alikariyê sîstema bergiriyê dike Lûleyên xwînê ji ber hîstamînê sist û fire dibin, bi vî awayê xirokên spî bi hesanî ji xwînê derbasê nav şaneya kulbûyî dibin û li dij hokarên nexweşiyê bergiriyê dikin. Her wisa bazofîl heparîn jî berhem dikin. Heparîn rê li ber meyîna xwînê ya nav lûleyan digire[5].

Çavkanî[biguherîne]

  1. Mucosal Immunology volume 3, pages 129–137 (2010) doi:10.1038/mi.2009.137[1]Emerging functions of basophils in protective and allergic immune responses
  2. ENCYCLOPÆDIA BRITANNICA, [2]Basophil
  3. Villee, Claude Alvin, et al. Biology. 2nd ed., Saunders College Publishing, 1989. ISBN 0-03-023417-4 p 952
  4. Alberts, B. ; et al. Molecular biology of the cell. 6th ed. New York, : Garland Science, 2015 p 1239 ISBN 978-0-8153-4432-2
  5. OpenStax, Anatomy & Physiology, OpenStax ,2013 , p 801 [3]