Beyazit Taş

Ji Wîkîpediya, ensîklopediya azad.
Jump to navigation Jump to search

Beyazit Taş (bi navê fermî: Beyazıt Taş) (* 1959 li parêzgeha Meledî, bakurê Kurdistanê) fîlozof û nivîskarekî kurd e. Dr. Taş li Swîsreyê dijî. Demekê dirêj di malpera Nasname (malper)yê de bi romî (tirkî) li ser felsefeyê dinivîsî, niha nake.

Jînenîgarî[biguherîne]

Sala 1981'ê li İzmirê dibistana amadeyî Hava Özişbakanê bidawî dike. Ji sala 1989'ê ve li Swîsreyê dijî. 2003'yê ji zanîngeha Freiburgê, fakûlteya wêjeyê, beşa etîk û fîlozofiyê destûrdar dibe. Sala 2007'ê li heman zanîngehê angaşta wî ya doktorayê tê pejirandin. Babeta angaştê, "Di Platon, Nietzsche û Mill de, takekesê wekî heybereke aqilbend û pozberiyan çareser dike" bû.

Sala 2007'ê li Swîsreyê di weşanxaneya Academic Press / Fribourg de pirtûka ya bi navê “Vom Wächter zum Übermenschen. Das Individuum als vernünftiges und konfliktlösendes Wesen bei Platon, Mill und Nietzsche“ (Ji nator (panêr) heya mirovê raser: Di Platon, Nietzsche û Mill de, takekesê wekî heybereke aqilbend û pozberiyan çareser dike) hat weşandin.

Pirtûk[biguherîne]

  • Sala 2008'ê pirtûka wî ya bi navê Felsefe Mektuplari (ku. nameyên fîlozofiyê) ji aliyê weşanxaneya Kanguru ve hat çapkirin.
  • Ji heman weşanxaneyê pirtûka wî ya bi navê Faydali Etik (ku. etîka kêrbar) jî çap bûye.
  • Sala 2012'yê ji Academic Press / Freiburgê, Aufnahmegesellschaft, Migration und Ethik (ku. civaka werdigire, hindikayî û etîk) der tê.

Girêdan[biguherîne]