Dep

Navçeya Depê
Navçe
Karakoçan
Dîmenek ji navenda bajarê Depê
Navçeya Depê Navçeya Depê
Koordînat: 38°57′8″Bk 40°2′13″Rh
Welat	Bakurê Kurdistanê
Dewlet	Tirkiye
Parêzgeh	Xarpêt (parêzgeh)
Serbajar	Dep
Hejmara nahiyeyan	3 nahiye
Hejmara bajarokan	2 bajarok
Hejmara gundan	88 gund
Qada rûerdê
• Giştî	1.085 km2 (419 sq mi)
Bilindahî	1.090 m (3580 ft)
Nifûs  (2008)	30.338
• Berbelavî	28/km2 (70/sq mi)
• Serbajar  (2012)	13.140
Koda postayê	23600
Koda telefonê	(+90) 424
biguhêre

Dep an jî Depê (bi tirkî: Karakoçan) yek ji navçeyên Elazîzê ye. Dep bi rêbejahî 102 km dûrî bajarê Elezîzê ye û navbera Depê û Çewlîgê (Bîngol) jî bi rêbejahî 50 km ye. Reya ku ji Elezîzê tê û aliyê Çewlîgê heya Wanê diçe, di ber Depê rê derbaz dibe. Dema ku hê navçe biçûk bû ev rê ji navçeyê 4 km dûr bû. Lê niha bajer berî bi aliyê rê ve berfireh bûye û gihiştiye ser rê.

Erdnîgarî

Cî û tixûbên bajêr

Nexşeya Depê

Sînorên navçeya Depê; li bakur bi Gêxî û Xorxolê ve, li başûr bi Palo û Qowanciyan ve, li rojhilat bi Bîngolê ve, li rojava jî bi Qisle û Mêzgirtê ve tê girêdan. Pîvana erdê Dep ê 1.085 km² ye û bajêr ji rûyê avê 1.090 m bilind e. Rewşa hewayê bi havînan pir germ û ziwa, zivistanên jî sar derbas dibe.

Herêma ku bajêr di tê de ye bi Kurdî Oxî tê binavkirin. Dep heya sala 1936'î gundekî Oxiyê bû û di sala 1936'î de bûye bajêrok navçe. Berê bajêrokbûna Depê melbenda Çanê girêdayî Gêxiyê, melbenda Oxî û Lexanê jî girêdayî Paloyê bû. Van hersê melbend bi navê bî Tirkî Karakoçanê dibe bajêrokê Xarpêtê

Çiya û çem

Çiyayên herî bilind ê Depê li rojhilatê çiyayê Qirûcê (2.372 m) û çiyayê Qizildağê (1.538 m) ne. Li rojavayê jî çiyayê Tor (1.615 m), çiyayê Celo (1.594 m) û Dîyarê Gazê (1.690 m) bilind dibin.

Çemê Pêrê: çavkaniya Pêrê li bajarê Gêxiyê ye. Çemê Pêrê wekî sînorê di navbera Depê û Nazmiye (Qisle) û Mêzgirtê di başûr de diherike gola Kebanê. Li ser çemê Pêrêyê sê pirê ji beton û sê pirê ji dar hene. Di bihar û payîzê de ne gengaz e ku, mirov derbazî hêla din bibe.

Çemê Oxîyê li gundê Sarican derdikeve, ji nav Depê re derbaz dibe û li nêzikê gundê Golanê dikeve nav çemê Pêrê.

Aborî û civak

Aboriya Depê li ser çandinî û ajaldariyê ye. Pir kes ji welêt diçin dewletên Ewropa ji bo karkirinê. Ew ji lêzimên xwe re pereyan dişînin û di warê aborî de alîkarî dikin. Erdê ku ji çandiniyê re munasîb e 417.000 dekar e. Ew jî ji sedî 38 (38 %) erdé Depê ye. Tenê 10 %ê vê axê avî, yên din bej e.

Navdar

• Mazlum Doğan, rojnamevan, şoreşger û yek ji damezrînerên PKKê

Girêdanên derve

 Li Wikimedia Commons medyayên di warê Dep de hene.