Hokusai

葛飾北斎

Jidayikbûn	31ê çiriya pêşîn a 1760an Honjo (d) (Katsushika district (d), Edo (en))
Mirin	10ê gulana 1849an (88 salî) Asakusa (en)
Hevwelatî	Japon
Cîwar	Uraga (en)
Pîşe	Wênesaz, xylographer, illustrator, ukiyo-e artist, hunermend, graphic artist, printmaker, Sêwirîner, architectural draftsperson, visual artist, drawer
Salên çalak	1775-1849
Zarok	Katsushika Ōi (en) Katsushika Tatsujo (d)
Qadên xebatê	Ukiyo-e (en), nîgar, hunerên dîtbarî (en), wood engraving technique (en), graphics (en), illustration (d), drawing (en)
Tevger	Japonisme (en), Kasei culture (en), ukiyo-e (en)
Xwendekarê	Katsukawa Shunshō (en)
Şêweyên hunerê	Ukiyo-e (en), portre (en)

Xebatên navdar

Sih û şeş Dîmenên Çiyayê Fuji, The Dream of the Fisherman's Wife (d), Hokusai Manga (d), Ehon Chūkyō (d), A Tour of the Waterfalls of the Provinces (d)

Şanenav

Wêneyê goristanê

Katsushika Hokusai (bi japonî 葛飾 北斎, 31ê kewçêra 1760 - 10 gulana 1849), wekî Hokusai tê zanîn, hunermendeke ukiyo-e yê japonî, wênesaz û çapkerek ji serdema Edo bû. Rêzeya çapa wî bi navê Sih û şeş Dîmenên Çiyayê Fuji gelekî binavûdeng e û çapa îkonîk a The Great Wave off Kanagawa (Pêla Mezin a Kanagawa) dihewîne. Hokusai di jiyana xwe de hunera ukiyo-e pêşxist û ji şêwazek portreyê, ku li ser kortazîn û lîstikvanan disekinî, wergerande şêwazeke hunerî ya berfireh, ku giranî da ser peyzaj, nebat û heywanan. Berhemên wî bandorek girîng li ser Vincent van Gogh û Claude Monet kir. Bi rêya serdema japonîzmê, ku di dawiya sedsala 19an de peqiya, hunera wî li seranserê Ewropayê belav bû.

Hokusai çapa Sih û şeş Dîmenên Çiyayê Fuji yê wekî bersivek ji geşbûna tûrîzma navxweyî ya li Japonê re, û ji ber berjewendiya xwe ya şexsî li ser Çiyayê Fuji afirand. Bi vê xebatê, bi taybetî saya wêneyên Pêla Mezin a Kanagawa û Bayê hêja, sibeya zelal, Hokusai hem li Japonya û hem jî li derveyî welêt navdar bû.

Hokusai herî baş bi çapên xwe yên ukiyo-e dihat nasîn, lê wî di navgînên cûrbecûr de xebitî, di nav de wênesazî û nîgarkirina pirtûkan. Wî di zarokatiya xwe de dest bi hunerê kir û heta mirina xwe, 88 saliya xwe, xebitî û şêwaza xwe pêş xist. Di kariyerek dirêj û serketî de, Hokusai bi tevahî zêdetirî 30,000 tablo, xêz, çap û wêneyên pirtûkan çêkirin. Ew bi nûjeniya xwe ya di berhevokên xwe de û teknîka xweya xêzkirinê ya bêhempa dihat nasîn û heta îro di dîroka hunerê de yek ji mezintirîn hosta tê hesibandin.