Liklikî

Ji Wîkîpediya, ensîklopediya azad.
Jump to navigation Jump to search

Liklikî, liklikkufte navê kufteyeke pêjgeha kurd e. Liklikiya Rihayê jî dibêjin, lewra li Rihayê navdar bûye. Li hin herêmên din ên Kurdistanê jî tê zanîn û xwarin. Tê gotin ji wir 100 sal berê li bajarê Bidlîsê deng vedaye, wê demê wekî xwarineke bidlîsî hatiye binavkirin.

Berkeliya liklikiyê[biguherîne]

  • 100 gr kakilê gûzê
  • 250 gr dûmê mihê (daw, don an jî bezê li ser gurçikê)
  • 1 pîvan têkela kufteyê ya Rihayê (bo kufteyan e)
  • 1 KŞ (kevçiyê şîraniyê) xwê (solin)
  • 1 KÇ (kevçiyê çayê) îsota reş
  • 1 KÇ îsota sor (pûlpelî, tûj)

Çêkirin[biguherîne]

Dûmê hûrik hûrik hûrbikin an li makîneyê bidin. Kakilê gûzê bi kêrê hûrbikin, bi tevî biharbêhn, xwê û dûmê mihê de bistrên. Ji vê têkelê kufteyên hûrik (gilolik) çêbikin û bavêjin sarincê bila sar bibin.

Ji têkela kufteyê ya Rihayê bigirin, di nava destê xwe wekî qalikê hêkê dirûvê bidinê û gilolikên xwe têxin navê. Ango kufteyê ji kufteyê dabigirin.

Vana di nava ava şor de bikelînin, bixaşînin. Bi germî bînin ser destexaneyê (sifre) û servîs bikin.