Nusret Kılıçaslan

Ji Wîkîpediya, ensîklopediya azad.
Jump to navigation Jump to search

Nusret Kılıçaslan (bilêvkirina bi kurdî: Nûsret Kiliçaslan) (* 1'ê rêbendanê 1947 li gundê Dêrika Hesê Ûso ya Qoserê, Mêrdîn - † 24'ê avrêlê 2007 li heman derê) siyasetmedarekî kurd bû. Yek ji damezrênerên DDKOyê bû.[1][2]

Jînenîgarî[biguherîne]

Li Enqereyê (paytextê Tirkiyê) di kolêja Yükseliş, beşa endazyariya avadaniyê de dixwîne. Hêj di ciwanzaroktiya xwe de ji bo azadiya Kurdan têdikoşiya. Li Enqereyê têkilî bi rewşenbîr û kurdperwerên şoreşger ên wê demê re têkilî datîne. Tevlî damezirandina DDKOyê dibe. Ji ber ku ji malbateke dewlemend bû, piştgiriya Kurdên xizan dike û çalakiyên Kurdan fînanse dike.

Sala 1969'î mîtînga Kurdan a Enqereyê ku berdewamiya mîtîngên rojhilatê (Doğu Mitingleri) bû, organîze dike. Di sala 1970'î de ji aliyê dûgela Tirk ve tê girtin lê heman salê dîsa berdidin.

Di cûntaya leşkerî ya 1971'î de tê girtin û wî dixin zîndanê. Di zîndanê de tevlî bexwedanan dibe û di dadgehan de berevaniya doza Kurdan dike. Ji aliyê dewleta Tirk ve bi cezayê zîndanê yê 12 sal zîndanî û 5 sal jî sirgûniyê tê cezakirin. Di efûya giştî ya 1974'î de tê serbestberdan.

Xebatên polîtîk[biguherîne]

Ew ji zaroktiya xwe heya mirina xwe bi rêbazên rewa, aştiyane û demokratîk li azadî û serxwebûna Kurdan digere. Yek ji damezrênerên Hak ve Özgürlükler Partisi, HAKPARê bû û berpirsiyariya partiyê ya Mêrdînê jî kiribû.

Di 19'ê berfanbarê 2006'î de tevlî damezrandina Katılımcı Demokrasi Partisi (Partiya demokrasiya tevlîkar) KADEPê bû û wekî endameke meclîsa vê partiyê xebitî.

Ew di 24'ê avrêlê 2007'î de ji ber xwînneçûna mejî, jiyana xwe ji dest da.

Çavkanî[biguherîne]

  1. Devrimci Doğu Kültür Ocakları dava dosyası, Cilt 1, Komal, 1975, p. 334.
  2. Emin Demirel, Geçmişten günümüze PKK ve ayaklanmalar, IQ Kültür Sanat, 2005, ISBN 9789752550384, p. .