Pîzaya şikevayê

Pîzaya şikevayê, pîzaya nanesêlkê cure pîzayek ji koma xwarinên pîza û patîleyê ye. Di pêjgeha kurd de jî cihê xwe digire.

Berkelî

• 4 heb sosîs
• Nîvê kevçiyê rûnê ron
• 3 pelhevîrk (şikeva)
• 3 hêk
• 2 stekan (qedeh) şîr
• 1 kevçî mast
• 1 kevçî ketçap
• 2 kevçî hebên lazûtê (garis)
• 1 kevçî awîşen, cehter
• 1 Pakêt penîrê bêrûn û bêxwê yê ji şîrê mihan

Amadekirin

1. Sêniya xwe bi rûnê xijok bikin. Yekemîn pelhevîrka xwe wisa daynin ku ji sêniyê mezintir be, ango pila ji ser dora wê re bavêje. Pelhevîrkên din bi destan parçe bikin.
2. 2 hêk û spîka hêkek bi 2 stekan şîr, nîvê stekanê rûnê ron û kevçiyek mastê ve di tasekê de biçelqînin.
3. Nîvê vê çênca xwe li pelhevîrkên xwe yên parçekirî bidin. Perên pelhevîrka mezin a binî di navendê de bigihînin hev. Kevçiyek ketçapê berdin ser sosa we amade kiribû û wê berdin ser pelhevîrkê.
4. Sosîsên xwe rêz bikin, lazût û cehterê pê werkin. Penîra xwe hûr bikin bidin ser sosîsan. Di germahiyeke nîvcoyî de, di argûnê de bipijînin. Zerayî bi penîr ket, derînin û bînin ser destexaneyê.