Peyker

Ji Wîkîpediya, ensîklopediya azad.
Here cem: navîgasyon, lêgerîn

Peyker û an jî "hêkel", ji aliyê hunerî û tevgerî ve ku bidest tê çêkirin û awa lê tê dayin a. Yê ku peykeran çêdike jî, jê re Peykervan tê gotin. Bi taybetî, ji aliyê, teybetmendiyan ve ku li berçavan tên girtin û li gor wan awa tê dayin û bi wê re tê sûretkirin a. Peykerê mirov, Peykerê sawêl û hwd, ku li gorî teybetmendiyên jîndî tê afirandin a. Bi vê yekê, êdî peykerî û an jî Peykerîtî weke nirxekê dihê li holê û diafirê. Berî zayinê, Di deme Sumerîyan de, li sawalan dihat nerîn û ji Kevir dihat çêkirin. Piştre, li mirov dihat nerîn û peykerê wan dihat çêkirin. Mirov û an jî jîndîya din, ku rabûyî, an jî, rûniştî û an jî çûwan û an jî pîrr û hwd, teybetmendî û xoslet li berçav dihatina girtin û dihatina çêkirin. Ji aliyê nirxî ve wateya wê, wênekirina rewşa mirov ya wê kêlîkê û an jî wê rewşa ku ew têde dijî û hwd, bi wê re peyker êdî dibê berhemeka çandî û nirxî.

Medîyalîyan, di dema xwe de, keyên wan, ji kevir peykerên xwe dane çêkirin. Bi xwe re peykerê Şêr û Teyrê Baz jî di rex xwe de dane çêkirin. Di deme Girêkîyan de, peykerê Zeus û hwd, hatîya çêkirin. Mirovan, her peykerê ku di kîjan demê de çêkirîya, li gorî demê hin xoslet jî li wan çêkeriyên xwe yên peykerî kirina. Hin teybetmendiyên ku wan hizirkirina, dane wan. Minaq, hewl dane ku mirovekî ku bihêz bê, wê çawa bê. Jineka xweşik çawa ya, hewl hatîya dayin ku bi xweşikatîya wê re, ew were ser ziman. Bi vê yekê re, peyker, hertimî, bûya sembola hin teybetmendî û xosletna ku mirov xwestîya ku wan bide domandin û an jî bijî.