Rênas Xendekî

Rênas Xendekî
Jidayikbûn	13ê kanûna paşîn a 1994an (30 salî) Botan
Pîşe	Nivîskar berhevkar parêzer
Zimanê nivîsinê	Kurdî
Perwede	Zanîngeha Dîcleyê
biguhêre

Rênas Xendekî nivîskar û parêzerê kurd e.

Di sala 1994an de li Hezexê li gundê Xendekê hatiye dinê. Dibistana seretayî, ya navîn û lîse li Cizîra Botan qedand. Li Zanîngeha Dîcleyê beşa hiqûqê xwend. Di dema xwendekarîya xwe ya lîseyê dest bi nivîsandina kurdî kir. Helbest û nivîsên wî di kovarên Hawara Botan, W, Folklorame û Aşdad de hatin weşandin. Di 2015an de di Komxebata Hiqûqê de cih girt. Di 2018an de di Komxebata Folklorê ya Weqfa Mezopotamyayê de cih girt. Di 2017an de berhema wî ya ewil Mamikên Botanê ji weşanên Wardozê çap bû. Avakar û rêvebirê projeya Asoya Helbesta Kurdî ye. Hinek helbestên Orhan Veli Kanık ji tirkî wergerand kurdî, di bin navê Van Hewayên Xweş Ez Mehf Kirim de ji Weşanên Soranê çap bû. Di 2018an de pirtûka wî ya Folklora Roja Nûyê çap bû. Rênas Xendekî zewiciye û bavê zarokekî ye, niha li Cizîra Botan parêzeriyê dike.

Berhem

• Van Hewayên Xweş Ez Mehf Kirim, Orhan Veli Kanik, Wergêr: Rênas Xendekî, Weşanên Soran, 2015.

• Mamikên Botanê, Folklor, Weşanên Wardozê, 2017, ISBN, 978-605-6741-94-4

• Folklora Roja Nûyê, Folklor, Weşanên Wardozê, 2018, ISBN, 978-605-2003-08-4

• Ferhenga Têgihên Hiqûqê, Li gel Bahîz Omer Ehmed, Beyar Tahir Seîd, Bîlal Zîlan, Cemîl Çelîk, Ebdilah Casim Receb, Ebdilah Çager, Ebdilwehab Xalid Mûsa, Fexrî Karakoyunlu, Gevrîye Atli, Hekar Findî, Mehdî Caferzade, Mîkaîl Bilbil, Nasih Husên Silêman, Rênas Xendekî, Sabîr Ebdulahîzad, Sebah Reşîd Qadir, Selehedîn Elçî, Semîre Nergîz, Serdal Ogmen, Sezgîn Dînç, Weşanên Weqfa Mezopotamyayê, Dîyarbekir, 2019, ISBN:978-605-80975-4-4

• Çîrokên Rovîyan, Folklor, Weşanên Weqfa Mezopotamyayê, 2022, ISBN, 978-605-7311-80-8