Şaqaviyê gerdenmar

Şaqaviyê gerdenmar
Şaqaviyê gerdenmar, li parka neteweyî ya Souss-Massayê, Maroko
Rewşa parastinê
Kêmtirîn metirsî (IUCN3.1)
Dabeşandina zanistî
Cîhan: Animalia Filûm: Chordata Çîn: Aves Kom: Ciconiiformes Famîle: Ardeidae Cins: Ardea Cure: A. purpurea
Navê zanistî yê latînî
Ardea purpurea (Linnaeus, 1766)

Şaqaviyê gerdenmar (bi latînî: Ardea purpurea) balindeyeke famîleya şaqaviyan e.

Şaqaviyê gerdenmar 80 sentîmetreyan dirêj e. Ji rengê şaqavî biçûktir e. Pişt û çeng risasiyekî bi ser qehwayî ve ne. Kulovank û kofîk reş in. Sermil xemir, bi ser rengê mor ve ne. Sing qemer e û berzik reş e. Ser û gerden sorekî qemer in. Erzink û alek spî ve ne. Rav û gîxên reş û zirav li dirêjayiya gerdena wî ne. Pê keskekî bavzerî risasî ne û çav zer in û nikil risasiyekî bavzer e.

Di navbera îlonê û nîsanê de bi rêbarî li Kurdistanê dihê dîtin. Li nîvek û başûrê Ewropayê û Afrîkaya navîn û başûr û li Tirkmenistanê û Qefqazê û bakurê Îranê û li Îraqê (li nişîv) têjikan tîne derê. Li peravên erebî bi rêbarî dihê dîtin.

Şaqaviyê ku bi hewa ketiye.

Çavkanî

• Îsmaîl Taha Şahîn (2006). Balindeyên Kurdistanê. Spîrêz, Dihok. (Bi tîpên erebî ye, ji bo tîpguhêziya latînî û wîkîpedyandina nivîsê, bikarhêner MikaelF).
• H. Heinzel, R. Fitter û J. Parslow (1995). Türkiye ve Avrupa'nin Kuşlari (Kuzey Afrika ve Orta dogu dahil). Türkiye Dogal Hayati Kuruma Dernegi, Stenbol. ISBN 975 94098 28