12ê nîsanê

Bûyer

Kurdistan

• 1920 – Bajarê Rihayê ji dagirkeriya fransiyan rizgar bû.
• 1991 – Peymana agirbestê pêkhat û şerê Kendavê bi fermî bi dawî bû. Di heman dîrokê de bi qaşo armanca pêşîgirtina êrîşên Iraqê yên li ser kurdan li hêlîpana 36^em "Herêma Ewlekar" hatiye îlankirin, lê belê dema ku xelkê kurd ber bi rizgarkirina bajarên Kerkûk û Mûsilê ve çûn, qedexeya ji bo balafiran hatiye rakirin.
• 1995 – Parlamena Kurdistanê PKDW li derveyî welat hatiye damezrandin.
• 1995 – MED TV dest bi weşana zindî kir.
• 1995 – Rêveberê HADEP'a Edeneyê Rüstem Akar ji aliyê hêzên tarî ve hatiye kuştin.
• 1997 – Komeleya Koçberan GÖÇ-DER vebû.
• 1998 – Gerîlayê kurd Ahmet Gücen yê bi navê xwe yê kod Agir, di şerê Alîcakê de jiyana xwe ji dest da. (Sîlvan, di sala 1982an de li Sîlvanê hatibû dinê, di 15 tebaxa sala 1998an de jî tevlî nav refên Gerîlla bibû.)
• 1999 – Gerîlayê kurd ê bi navê kod Devrîm, li herêma Çêrmeyê jiyana xwe ji dest da.
• 2001 – Gerîlayê kurd yê bi navê xwe yê kod Cesur Agirî, li herêma Şehît Remzî jiyana xwe ji dest da.

Cîhan

• 1931 – Qiralê Spanyayê Alphonse yê XIII, bêyî ku ji textê xwe were xwarê welêt terk kir û li Spanyayê komarî hatiye îlankirin.
• 1961 – Kozmonotê rûs, Alekseyevîç Yûrî Gagarîn bû yekemîn mirovê ku çû fezayê.
• 1989 – Danezana Azadî û Mafên Bingehîn ya Parlamena Ewropayê hatiye qebûlkirin.
• 1991 – Qanûnên 141/142 hatin rakirin û li dewsa wan qanûneke dijwartir, "Qanûna Têkoşîna li Dijî Terorê" hatiye anîn. Piştî ku qanûna hejmara 3713 ya Têkoşîna li Dijî Terorê derbasî pratîkê bû, azadiya derbirîn û rêxistinê hatiye bi sînorkirin û her wiha gelek rewşenbîr û nivîskar hatin zîndanîkirin.
• 1995 – Saziya sîxuriya hundirîn a Rûsyayê ye, FSB, hatiye damezrandin.

Jidayikbûn

• 1975 – Camila Morgado, aktrîsa brezîlî
• 1979 – Jennifer Morrison lîstikvan, hilberîner, derhêner û modela berê ya zarok a amerîkî

Mirin

• 1945 – Franklin D. Roosevelt, serokdewletê 32^em ê DYA'yê

Cejn û salveger

(Cejnên ku di vê rojê de tên pîrozkirin)

---