Abdullah Demirbaş

Ji Wîkîpediya, ensîklopediya azad.
Here cem: navîgasyon, lêgerîn

Evdila Demirbaş (bi tirkîAbdullah Demirbaş) şaredarê Sur ê ya Amedê ye.

Abdullah Demirtaş di sala 1966an de li bajarê Diyarbekirê, li navçeya Licê, li gundê Sîsê ji dayîk bûye. Wî dibistana sereaytê li Diyarbekirê li dibistana Suleyman Nazîf, paşê li Elî Emiriyê, li lîseya meslekê û li Elezîzê jî di Zanîngehê de beşa Fen û Edebîyatê xwendîye. Ji sala 1990î û heta sala 2004an di nava xebata sendîqeya mamostan de ye. Di nava Egit-Sen û Egit-Birsenê de çalak e. Hem li Mêrdînê û hem jî li Diyarbekirê serokatiya wan kirîye. Wî ji sala 1987an heta sala 2000î mamostetiya felsefê kirîye. Di dema mamostetiya xwe de du caran surgûn dibe û ji sebebê doza perwerdeya bi zimanê zikmakî bo zarokên kurdan dike, ji mamostetiyê tê avêtin.

Di hilbijartina 2004an de wek serokê Şaredariya Sûrê tê hilbijartin. Demirbaş, di dema serokatiya şaredariyê de jî bi xebatên xwe yên ji bo paraztina kultura kurdî û di xebatên şaredariyê de bikaranîna zimanê kurdî bala dewletê dikşîne û niha jî di derbarê wî de 12 lêpirsîn hatine vekirin, hin ji wan hê jî tên meşandin. Demirbaş bo xizmetên xwe yên şaredariyê û xebatên ziman û çandî gelek xelat jî wergitine.

Di 14'ê pûşperê 2007an Dadgeha Dewletê ya Bilind a Tirkiyê bi sedema biryara Şaredariya Sûrê ya "Di kar û xebatên şaredariyê de pirzimanî" Şaredarê Sûrê ya Amedê birêz Abdullah Demîrbaş ji wezîfê girt û meclîsa Şaredariya Sûrê felişand. Dadgehê biryara xwe weha aşkere kiribû: ”Serokê Şaredariya Surê Abdullah Demirbaş, biryara şaredariyeke pirzimanî daye. Ev biryara pirzimanî ya şaredariyê li dij qanunên Tirkiyê ye, li dij qanûna bingehîn a Tirkiyê ye û Tirkiyê perçe dike.

Xelatên Ku Girtiye[biguherîne]

  • Xelata Seqizê
  • Xelata Wezareta Rewşenbirî a herêma Kurdistanê
  • Xelata şaredariyên Rojhilat û Başûrê Rojhilat
  • Xelata Dîaloga Dêrên Katolîk û Ortodoks
  • Xelata Feqî Husên Sagniç

û gelek xelatên din wer girtiye.

Şaredariya Sûrê di bin serokatiya wî de bi Şaredariya Dihokê û bi Şaredarîyek îspanî re bûye xuşk û bira.

Çavkanî[biguherîne]

  • Hevpeyivîn bi serokê Şaredariya Sûrê Abdullah Demirbaş re; NETKURD; M. Şefîq Oncu; 25.3.2007

Girêdanên Derve[biguherîne]