Anne Frank

Ji Wîkîpediya, ensîklopediya azad.
Anne Frank
Image dans Infobox.
Jidayikbûn
Li ser Wîkîdaneyê bibîne û biguhêre
Maingau Clinic of the Red Cross (en) (Frankfurt, Komara Weimarê)Li ser Wîkîdaneyê bibîne û biguhêre
Mirin
Li ser Wîkîdaneyê bibîne û biguhêre (15 salî)
Kampa komkirinê ya Bergen-Belsen (en)Li ser Wîkîdaneyê bibîne û biguhêre
Cihê goristanê
Kampa komkirinê ya Bergen-Belsen (en)Li ser Wîkîdaneyê bibîne û biguhêre
Navê rastî
Annelies Marie FrankLi ser Wîkîdaneyê bibîne û biguhêre
Navê jidayikbûnê
Annelies Marie FrankLi ser Wîkîdaneyê bibîne û biguhêre
Hevwelatî
Cîwar
Frankfurt (-), Frankfurt (-), Merwedeplein 37-II (d) (-), annex Prinsengracht 263 (d) (-), Kampa komkirinê ya Bergen-Belsen (en) (-)Li ser Wîkîdaneyê bibîne û biguhêre
Perwerde
6th Montessori School Anne Frank (en)Li ser Wîkîdaneyê bibîne û biguhêre
Pîşe
Nivîskarê rojnivîskê, nivîskarLi ser Wîkîdaneyê bibîne û biguhêre
Salên çalak
Bav
Otto Heinrich Frank (en)Li ser Wîkîdaneyê bibîne û biguhêre
Edith Frank-Holländer (en)Li ser Wîkîdaneyê bibîne û biguhêre
Xwişk û bira
Margot Frank (en)
Eva Schloss (en)Li ser Wîkîdaneyê bibîne û biguhêre
Xizm
Eva Schloss (en) (stepsister)Li ser Wîkîdaneyê bibîne û biguhêre
Représentée par
Anne Frank Fund (d)Li ser Wîkîdaneyê bibîne û biguhêre
Ketiye girtîhê
Westerbork Transit Camp (en) (), Kampa komkirinê ya Auschwitzê (), Kampa komkirinê ya Bergen-Belsen (en) (-)Li ser Wîkîdaneyê bibîne û biguhêre
Malper
Xebatên navdar
Diary of Anne Frank (d), Tales from the Secret Annex (d)Li ser Wîkîdaneyê bibîne û biguhêre
şanenava Anne Frank
Şanenav
lewheya yadîgar
Wêneyê goristanê

Anne Frank anku Annelies Marie Anne Frank[1] (jdb. 12ê hezîrana 1929 li Frankfurt am Main - m. destpêka adara 1945 li kampa komkirinê ya li Bergen-Belsen) keçeke cihû ya elman bû ku di sala 1934an de digel dayik û bavê xwe koçî Holendayê kir, da ku ji zext û zordariya nasyonalsosyalîstan bifilitin, lê berî dawiya şer bû qurbana holokostê. Berî ku hat girtin, wê xwe digel malbata xwe di xaniyeke biçûk de vedişart û li wir rojnivîskek dinivîsand.

Rojnivîska Anne Frank piştî dawiya şer ji aliyê bavê wê Otto Frank ve wek pirtûk hat weşandin. Ev eser yek ji çavkaniyên dîrokî ye ji dema holokostê û nivîskara wê wek sembola hemû qurbanên siyaseta qirkirina dema nasyonalsosyalîst tê pejirandin.

Kurtejiyan[biguhêre | çavkaniyê biguhêre]

Mala malbatê heya 5ê hezîranê 1942an
Kevira bibîranînê ya li Frankfurt am Mainê

Anne Frank di sala 1929an de wek keça malbateke dewlemend a cihû li Frankfurtê hatiye dinê.

Çend meh piştî ku Hitler di sala 1933an de hemû Elmanya xist bin bandora xwe, malbata Frank ji ber metirsiya naziyan ji Frankfurt am Mainê koçî paytexta Holendayê Amsterdamê kirin. Anne di wê demê de hîn çar salî bû. Malbat zû hînî jiyana li Holendayê bû û Anne zarokatiyeke bê tirs derbas kir. Lê piştre şerê cîhanî yê duyem destpê kir û leşkerên Hitler di sala 1940an de Holenda jî îşgal kirin.

Rewşa malbata Frank a li Amsterdamê ji nişka ve xera bû. Gelek qanûnên cihû  her ku çûn zêdetir maf ji destê wan standin. Wek mînak: cihû êdî nikaribûn tramvayê bikarbînin, duçerxeyên wan ji destê wan hatibûn standin û nekarîbûn erebe jî biajon. Herwiha, çûyîna wan bo sînema an şanoyê an jî tevlîbûna wan a li çalakiyên werzîşê jî qedexe bû.

Du salên jiyana veşartinê[biguhêre | çavkaniyê biguhêre]

Gava di sala 1942an de biryar hat dayîn ku xwîşka mezin a Anneyê Margot wê bibin kampa karkirinê, malbat mecbûr ma xwe veşêre. Ji ber ku ew kampên karkirinê di rastiyê de kampên kuştinê bûn: tê de qurbanên naziyan dihatin girtin, êşkence kirin û kuştin. Malbata Frank digel malbateke din xwe di malikeke taybet de xwe veşart. Xwediyê malikê şîrketa Opekta bû, ku dîrektorê wê bavê Anneyê bû. Ji ber tengasiyên qewimandî wî şîrketa dewrî hevalên xwe kir û êdî hevalên wî yên şîrketê alîkariya malbatê kirin. Deriyê xaniyê ku şîrketê bi xaniyê re girêdida li piş dolabeke pirtûkan veşartî bû.

Rojnivîska Anneyê[biguhêre | çavkaniyê biguhêre]

Rojnivîska Anneyê jî di vê demê de hat nivîsandin. Di salên bê de malbat nikaribû derkeve derve, da ku bala kesî nekişîne ser xwe. Têkîliya wan bi tenê bi alîkarên xwe yên ku xwarin ji wan re dianîn re hebûn. Ji bilî vê yekê, radyoya wan hebû ya ku wan li ser nûçe û pêşketinên qewimî agahdar dikir.

Mehek beriya ku malbat mecbûr ma xwe veşêre Anneyê wek diyariya 13'mîn rojbûna xwe rojnivîskek wergirtibû. Di vê rojnivîska ku Anne wek 'Kitty' bi nav dikir, wê jiyana xwe ya rojane ya ku di metirsiyê de derbas dibû dinivîsand. Ev rojnivîsk êdî bûbû hevala xwe ya herî baş. Wek mînak, wê tê de him qala xewn û xeyalên xwe, him jî behsa gengeşiyên digel dayk û bavê xwe dikir.

Gava meriv rojnivîsê dixwîne, meriv têdigihêje ku Anneyê xwestiye bibe nivîskar yan jî rojnamevan.

Ji ber ku rewşa jiyan û tendirûstiyê ya di kampa komkirinê de gelek xera bû, nexweşî zû belaw dibûn. Dîsa jî Anneyê ti car hêviya xwe nebirî ku rojek wê tişt wergerin rindiyê.[2]

Jiyana di kampa komkirinê de[biguhêre | çavkaniyê biguhêre]

Di 4ê tebaxa 1944an de xaniya wê ya ku tê de 8 penaber diman ji alyê polisan ve hatiye dîtin. Hê jî naye zanîn polis çawa bi cihê wan ê veşartî hesiya. Lê tê bawer kirin ku ew rastî îxanetê hatine. Hemû penaber hatin heps kirin û heta demekê di kampa komkirinê ya Westerborkê de hatin girtin. Ji wir jî birin kampa kuştinê ya Auschwitzê. Jin û mêr li hatina îstasyona kampê ji hev hatin cuda kirin. Otto Frank, bavê Anneyê, li wir malbata xwe cara herî dawî dît.

Mehek bişunde Anne û xwişka xwe ya mezin Margot şandin kampa Bergen-Belsenê ya nêzî Celle, û wê li wir karên fîzîkî yên gelek giran dikir. Dayika wê ji ber bêhaliya xwe nekarî kar bikira, lewra ex li Auschwitzê ma: ew piştî demekê nexweş ket û di sala 1945an de jiyana xwe ji dest da.

Mirina Anne Frank[biguhêre | çavkaniyê biguhêre]

Kevira biranînê ya li Bergen-Belsenê

Di zivistana dawi ya şerê de rewşa li kampên komkirinê berve xeteriyê ve çû. Mirov gelek di bin bandora birçîbûn, tîbûn, sermahî û bêhaliyê man. Nexweşî û bêş zû belaw bûn. Di adara 1945an de, çend hefte berî ku girtiyên kampên komkirinê hatin rizgarkirin, Anne û Margot bi enfeksyoneke giran a tîfusê nexweş ketin.[3] Rojek piştî wefatkirina Margot, Anne jî - hê 15 salî - jiyana xwe ji dest da.

Pirtûkkirina rojnivîska wê[biguhêre | çavkaniyê biguhêre]

Bavê Anneyê wek endamê tenê yê malbatê ji qirkirina cihû xilas bû. Piştî ku şer bi dawî bû, wî nivîsên Anneyê wek pirtûk da çapkirin. Pirtûka bi navê "Rojnivîska Anne Frank" heta îro bo 67 zimanan hat wergerandin û dike nav pirtûkên herî zêde xwendî. Ev pirtûk sûcên Nazîyan bi bîr tîne û wergeriya sembola êşa hemû qurbanên wan.

Çavkanî[biguhêre | çavkaniyê biguhêre]

  1. ^ Robert Kempner: Edith Stein und Anne Frank. r. 61
  2. ^ Müller 1999 (wergera îngilîzî), r. 261
  3. ^ Kopîkirina arşîvê, ji orîjînalê di 27 adar 2013 de hat arşîvkirin, roja gihiştinê 11 çiriya paşîn 2013{{citation}}: CS1 maint: archived copy as title (lînk)

Girêdanên derve[biguhêre | çavkaniyê biguhêre]