Axîlês

Ji Wîkîpediya, ensîklopediya azad.
Jump to navigation Jump to search
Axîlês di dema Şerê Troyayê de

Axîlês an jî Aşîl (bi yewnaniya kevin: Ἀχιλλεύς, [a.kʰilˈleu̯s] Achilleus) di mîtolojiya yewnanî de qehremanê Şerê Troyayê, şervanê herî mezin ê şervanên yewnanî û lehengê sereke yê Îlyadaya Homerê ye. Kurê Tetîs û Peleusê qiralê Phthiayê ye.

Axîlês herî zêde bi kuştina Hektorê prensê Troyayê tê naskirin. Di dema Şerê Troyayê de li ber deriyên sûrên Troyayê ji bo tola biraziyê xwe Patroclus hilîne bi Hektor re şer dike û di dueloyê de Hektor dikuje.

Her çiqas mirina Axîlês li Îlyadayê nehatibe qalkirin jî li gorî hinek çavkaniyên din, di dawiya Şerê Troyayê de ji aliyê Parîs ve tê kuştin. Parîs bi avêtina tîrekî li pehniya Axîlêsî, ew dikuje.

Li gorî hinek efsane û çîrokan, Aşîl tenê di pehniya xwe de nemir nîn e ji ber ku diya wî bi girtina pehniya wî ew xistiye di nav ava nemiriyê (Çemê Styxê) de. Ji ber wê yekê Pehniya Axîlêsê ango Tendona Axîlêsê wek zeîfbûn û kelsbûna yekî pênase dike û herwiha ev têgeh di warê tibê de jî tê bikaranîn.

Çavkanî[biguherîne]